BILANG pagtalima sa kahilingan ng Senado, pinalawig na ng Department of Finance (DOF) at Bureau of Internal Revenue (BIR) ang deadline sa paghahain ng Income Tax Returns (ITR) hanggang sa Mayo 15.
Unang nanindigan ang DOF at BIR na hindi palalawigin at mananatili lamang na Abril 15 ang deadline ng paghahain ng ITR sa kabila ng umiiral na 1-buwang enhanced community quarantine sa bansa, na bahagi ng pagsusumikap ng pamahalaan para sugpuin ang pagkalat ng coronavirus disease 2019 (COVID-19).
Gayunman, upang hindi na ito maging dagdag alalahanin pa ng publiko, umapela si Senador Christopher Lawrence ‘Bong’ Go sa DOF at BIR na magbigay ng konsiderasyon at palawigin pa ang deadline ng ITR filing, base na rin sa diskusyon nila ng kanyang mga kapwa senador.
“This appeal was based on my discussions with colleagues in the Senate, particularly Senate President Vicente Sotto III, Majority Leader Migz Zubiri, Senators Imee Marcos, Francis Tolentino, Pia Cayetano, Joel Villanueva, Bato dela Rosa, Nancy Binay, Bong Revilla and Ping Lacson, who all raised concerns on the impact of the COVID-19 situation on Filipinos trying to meet the tax deadline,” paliwanag pa ng senador.
Matapos naman aniyang matalakay ang isyu kina Pangulong Rodrigo Duterte at Finance Secretary Carlos Dominguez III, napahinuhod na rin ang DOF at BIR na pagbigyan ang apela ni Sen.Go na i-extend ng isang buwan ang naturang deadline.
Inaasahan naman aniyang maglalabas ang BIR ng guidelines para sa naturang ekstensiyon.
Nagpasalamat naman si Sen. Go sa DOF at BIR at sinabing malaking bagay ito upang mabawasan ang alalahanin ng mga tao sa panahong ito ng krisis.
Umaasa naman si Sen. Go na matapos na malampasan ng lahat ang kasalukuyang sitwasyon, ay matapat silang magbabayad ng kanilang mga buwis.
“Sa panahong katulad nito, dapat nagtutulungan tayo na mapagaan ang pasakit ng taumbayan. Magmalasakit po tayo sa bawat Pilipinong apektado at magbayanihan tayo para malampasan natin ang pagsubok na ito bilang isang nagkakai-sang bansa,” dagdag pa ni Sen. Go.
Related posts:
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
BONG GO CALLS FOR RENEWED SUPPORT FOR NATIONAL HOUSING DEVELOPMENT, PRODUCTION AND FINANCING BILL TO HELP POOR FILIPINOS
BONG GO FILES BILL MANDATING THE ESTABLISHMENT OF QUARANTINE FACILITIES IN EVERY REGION OF THE COUNTRY
BONG GO RENEWS CALL FOR SUPPORT FOR THE NATIONAL HOUSING DEVELOPMENT, PRODUCTION AND FINANCING BILL TO HELP POOR AND HOMELESS FILIPINOS
BONG GO WELCOMES Pag-IBIG Fund SUPPORT FOR BP2; CALLS ATTENTION TO INFORMAL SETTLER FAMILIES’ PLIGHT
BONG GO WARNS FILIPINOS AGAINST SCAMMERS; URGES CONCERNED GOVERNMENT AGENCIES TO INVESTIGATE, PUT TO JUSTICE THOSE WHO TAKE ADVANTAGE OF COVID-19 CRISIS TO MAKE MONEY
BONG GO URGES THE EXECUTIVE TO FULFILL DELIVERABLES UNDER BAYANIHAN TO HEAL AS ONE ACT; SAYS INCOMPLETE DELIVERABLES ‘UNACCEPTABLE’
SEN. GO SA DOLE AT DTI: HANAPAN NG PANGKABUHAYAN ANG MGA NAWALAN NG TRABAHO
Comments are closed.