BONGBONG MARCOS NAGHAIN NA NG COC

PILIPINO Mirror

NAGHAIN na rin si da­ting Senador Ferdinand ‘Bongbong’ Marcos, Jr. ng kanyang kandidatura sa Commission on Elections (Comelec) para sa May 9, 2022 presidential elections sa layuning maibalik ang ‘unifying leadership’ sa bansa.

Bago magtanghali nang magtungo sa tanggapan ng Comelec sa Harbor Garden Tent ng Hotel Sofitel sa Pasay City si Marcos na tatakbo sa pagka-pangulo sa ilalim ng Partido Federal ng Pilipinas (PFP).

Walang funfair ang ginawang paghahain ni Marcos ng kandidatura, kasama ang kanyang maybahay na si Atty. Louise Marcos, at dalawang anak na sina Ferdinand Alexander at Joseph Simon.

Ang paghahain ng COC ay ginawa ni Marcos, isang araw matapos niyang ianunsiyo ang planong lumahok sa presidential race sa susunod na taon nitong Martes.

Bago naman ang kan­yang anunsiyo, nanumpa rin si Marcos bilang bagong miyembro at chairman ng PFP nitong Martes.

“I am today announ­cing my intention to run for the Presidency of the Philippines in the up­coming May 2022 elections. I will bring that form of unifying leadership back to our country. Join me in this noblest of cau­ses and we will succeed. Sama-sama tayong baba­ngon muli,” ani Marcos.

“Hangad kong ibalik ang mapagkaisang pagli­lingkod na magbubuklod sa ating bansa. Tayo’y magkaisa at sama-sama tayong babangon mula sa hagupit ng pan­demya, babangon mula sa paglulugmok ng ating ekonomiya,” aniya pa.

Sinabi ni Marcos na ang global pandemic ang siyang nagturo sa mga Pinoy na kailangan natin ang isa’t isa sa panahong ito ng pandemya.

“We must face the challenge as one, as one country, as one people. Together we must work towards a shared vision of our country through CO­VID and beyond COVID to find a way through this crisis with a common goal of vision to guide us and to lead us,” aniya pa.

“I know that it is this manner of unifying lea­dership that can lead us through this crisis,” aniya pa.

Nangako rin si Marcos na sa sandaling maluklok sa posisyon, ibabalik niya ang mga tao ng ligtas sa trabaho upang makapamuhay silang muli ng maayos.

“Let us bring Filipinos back to one another in service of our country facing the crisis and the challenges of the future together. Sama-sama tayong babangon muli,” aniya pa. ANA ROSARIO HERNANDEZ

Related posts:

97 INDIBIDWAL NAGHARAP NG COC SA PAGKAPRESIDENTE bbmDAGDAG NA SUCs ISUSULONG NI MARCOS KABATAAN MAHALAGA SA ISINUSULONG NA PAGKAKAISA  NG BBM-SARA UNITEAM BONGBONGBONGBONG MARCOS IN ISOLATION; APOLOGIZES FOR NOT ATTENDING THE COMELEC PRELIMINARY HEARING BONGBONG MARCOS-5FILIPINOS ARE SPECIAL PEOPLE WITH GREAT FUTURE – BONGBONG MARCOS CERTIFICATE OF CANDIDACY SA PAGKA-GOBERNADOR SA SULTAN KUDARAT, KINANSELA NG COMELEC BONGBONG MARCOSMALAKING KALAMANGAN NI BONGBONG MARCOS MALABO NANG MABALIGTAD Aussie envoy, 4 others meet with BBM; enhanced defense, economic and more areas of cooperation discussed

Comments are closed.