BONGBONG SASABAK SA PRESIDENTIAL RACE

MARAMING parti­do pulitikal, sectoral movements at grupo ng kabataan ang nagpahayag ng masidhing  pagsuporta sa kandidatura sa pagkapangulo ni dating Sen. Ferdinand ‘Bongbong’ Marcos, Jr. na nag-anunsiyo ng kanyang pagtakbo sa pinakamataas na puwesto sa halalan sa  Mayo 2022.

Bago ang opisyal na pahayag, nanumpa si  Marcos bilang kasapi ng  Partido Federal ng Pilipinas at uupong chairman ng tatlong taon nang  partido pulitikal na hinahangaan ng dating senador dahil sa  commitment nito sa serbisyo publiko kaysa sa politika.

“I have great admiration for this party… for the work that you have been doing… because you have been really focusing not so much on politicking… rather you have been focusing on public service… and these you have done     quietly without expectation of a reward and recognition, but only to satisfy your own commitment to public service,” sabi pa ni Marcos.

Idinagdag nito na tinanggap niya ang pag-endorso ng PFP at  multi-sectoral groups na ma­ging standard-bearer sa  2022 elections matapos nitong makumpleto  ang proseso ng konsultasyon sa kanyang   grassroots leaders.

“As I speak to you today, our beloved Phi­lippines faces one of the greatest tests in history. The global pandemic des­troyed the lives of people… of communities. And if we have learned anything in this time of Covid pandemic, it is that each of us, no matter our station in life, needs the help of our fellow Filipinos.”

“We must face this challenge as one… as one country… as one people. Together we must work towards a shared vision for our country through Covid and beyond Covid… to find a way through this crisis with a common goal, a vision to guide us and to lead us,” pagpapatuloy nito.

“Hangad kong ibalik ang mapagkaisang pagli­lingkod na magbubuklod sa ating bansa. Tayo’y magkaisa at sama-samang babangon mula sa hagupit ng pandemya… babangon mula sa pagkalugmok ng ekonomiya.”

“That is why I am announcing here today my intention to run for the Presidency of the Philippines in the coming May 2022 elections. I will bring that form of unifying leadership back to our country. Join me in this noblest of causes and we will succeed. Sama-sama tayong babangon muli,”  ang pahayag pa ni Marcos.

Sinabi naman ni Atty. Victor Rodriguez, PFP’s executive vice president and general campaign manager for the 2022 elections, matapos ang pina-kahihintay na deklarasyon ni Marcos, dumagsa ang maraming pagpapahayag ng pagsuporta at pag-endorso sa kandidatura nito mula sa ibang partido pulitikal at sectoral groups… “from the Solid North in va­ried age groups down to the United Visayans and the Solid South,” anang abogado.

Bukod sa PFP na nagsilbi bilang ‘lead car’  sa  convoy ng supporters, inisa isa rin ni  Rodriguez ang ilang voting blocs at fraternal organizations  na  Kilusang Bagong Lipunan, Partido Lakas ng Manggagawang Pilipino, Labor Party of the Phi­lippines, Partido Federal Youth, Solid Bongbong for President Worldwide Movement, Police Hotline Movement, Inc., Maunlad na Pilipinas Movement hindi mabilang na  Youth Supporters at Senior Citizens organizations sa buong mundo.

“BBM’s support base extends now to the grassroots level in the Visayas, where his mother’s family holds strong influence with the local politicians and Mindanao, where the PFP maintains a stronghold because its party president, Reynaldo S. Tamayo, Jr., is the incumbent governor of South Cotabato,” ani Rodriguez.

Dagdag pa nito: “Though the strength of the Marcoses originates in the Ilocandia provinces where his father had invested heavily in local politics by introducing enormous developments in the region and deve­loping rapport with the local leaders.”

Ayon pa kay Rodri­guez, dahil binago ng pandemya ang panga­ngampanya ng mga kan­didato,  mas tiwala ang   BBM camp na ang kanyang kakayahan  sa pagkapangulo ay makita sa pamamagitan ng iba`t ibang mga platform ng social media ng kanyang grupo ng  kabataan na  mga internet savvy.

Patuloy na pumapangalawa si Marcos kay  Sara Duterte sa mga survey para sa presidential preference kasama ang Setyembre 6-11, 2021 na voter’s survey na isinagawa ng Pulse Asia.

Related posts:

‘11-2’ PET RULING: TULOY ANG POLL PROTEST VS LENI OPISYAL NA PAHAYAG NI DATING SENADOR FERDINAND “BONGBONG” R. MARCOS, JR. PET CASE NI MARCOS TAPUSIN NA — SOLON (Natutulog na election protest ni Bongbong lagyan ng closure) PET CASE NI MARCOS TAPUSIN NA – SOLON (Duterte regrets picking Cayetano over Bongbong) MARCOS SHOULD HAVE BEEN MY VP BONGBONG’S SOLID SOUTH LUMUTANG SUPORTA NG MASA KAY BONGBONG SA MINDANAO LALONG TUMIBAY BONGBONG TINIYAK SA SUPPORTERS NA KARAPAT-DAPAT SIYANG TUMAKBONG PRESIDENTE