BONGBONG’S SOLID SOUTH LUMUTANG

PORMAL na inianunsiyo ng mga miyembro ng Partido Federal ng Pilipinas (PFP) ang kanilang pag-endorso  para sa kandidatura sa pagkapangulo  ni da­ting senador Ferdinand “Bongbong” Marcos Jr.

Sa ginanap na  National Convention sa Tupi, South Cotabato, nagpasa ng resolusyon ang Partido Federal ng Pilipinas (PFP) na nag-eendorso kay Marcos bilang presidential candidate para sa halalan sa  Mayo 2022.

Ayon kay PFP Gene­ral Council Attorney George Briones, ang pag-endorso kay Marcos ay ginawa matapos na ma­kipag-usap ang mga mi­yembro nito na nagnanais na kanilang  presidential candidate para sa 2022 national elections ang dating senador.

“Ipanalangin po natin si Senator Bongbong Marcos para makagawa siya ng tamang desisyon dahil ‘di po madaling tumakbo na presidente ng Pilipinas lalo na sa panahon ngayon,” ayon kay Briones.

Kahit minsan pa lang nakaharap, nilarawan ni Briones si Marcos na matalino, edukado, ma­pagkumbaba, hindi bastos magsalita, at may sense of humor.

“Lahat kami may notebook, may fountain pen, sumusulat po kami. Siya (Bong Bong) din meron, pinag-aaralan ni­ya ang Partido Federal ng Pilipinas,” ayon pa rito.

Sinabi ni Briones kay Marcos sa nasabing pulong  na ang  PFP, dahil  tatlong taon pa lamang bilang partido pulitikal  kumpara sa mas matandang mga pampulitikang partido sa bansa, ay hindi kasangkot sa anumang katiwalian o mga kasong kriminal kaya wala itong tinatawag na “excess baggage.”

Ang PFP ay  national political party na inaprubahan ng  Commission on Elections (Comelec) noong  2018 na may  1.5 milyong miyembro sa buong bansa. Nasa 300 sa kanilang mga miyembro sa  iba’t ibang lugar sa bansa ang nanalo sa 2019 elections.

Sa kabila ng pagiging bagong partido, matatag na ito sa  Mindanao hanggang sa antas ng munisipal.

Plataporma ng partido ang magkaroon ng  drug-free, insurgency-free, corruption-free at poverty- free society.

Habang isinusulat ang balitang ito, ang posisyong chairman ng partido ay nananatiling bakante sakaling magpasya si Marcos na manumpa bilang miyembro ng  Partido Federal ng Pilipinas.

“Kung mag-decide si Senator Bongbong Marcos na sumapi sa Partido Federal ng Pilipinas and he will take his oath as a member of PFP, tatawag po tayo ng another national convention bago po matapos ang buwan ng September where he will be nominated as the official candidate of the PFP for president,” dagdag pa ni Briones.

Related posts:

PANGMATAGALANG KAPAYAPAAN HANGAD NI BONGBONG PARA SA BANSA, TODONG SUPORTA IBIBIGAY SA NTF-ELCAC BONGBONG HINIKAYAT ANG MGA PINOY NA TULARAN ANG KABAYANIHAN NI RIZAL BONGBONG ISUSULONG ANG INDUSTRIYALISASYON PARA MAKALIKHA NG MAS MARAMING TRABAHO (Isusulong ni Bongbong) INDUSTRIYALISASYON PARA MAKALIKHA NG MAS MARAMING TRABAHO BATANGAS GOV. MANDANAS: NASA GUHIT NG PALAD NI BBM ANG MAGING PANGULO NG PILIPINAS BBM, SARA BEST CANDIDATES TO LEAD THE COUNTRY – GOV. MANDANAS BBM PLEDGES TO ADDRESS POWER SUPPLY PROBLEMS IN OCCIDENTAL MINDORO MALAKING KALAMANGAN NI BONGBONG MARCOS MALABO NANG MABALIGTAD