BOSSING AT MAINE ININDORSO ANG SERYE NI ALDEN

BAGO pa nag-pilot episode ang Victor Magtanggol na pinagbibidahan ni Alden Richards ay inindorso muna ito nina Vic Sotto at Maine Mendoza sa Eat Bulaga.

Hindi pa roon natapos ang ginawang panawagan ni Bossing Vic sa lahat ng mahilig manood at mag-abang ng series sa telebis­yon. Ang manonood daw kasi ng VM ni Alden ay may pagkakataon na magkaroon ng 40th anniversary T-shirt ng EB, tulad ng suot niya that day nang manawagan na pa-noorin ang Victor Magtanggol na kasabay at katapat ng Ang Probinsiyano ni Coco Martin sa ABS-CBN.

Para magkaroon ng 40th anniversary T-shirt ay dapat sagutin lang ang tanong na ilalagay sa Facebook ng naturang noontime show na napanonood Monday to Saturday sa GMA 7.

Ang tanong ay kung wala raw kayang maging isyu ito kay Coco Martin na kasama nina Vic at Maine sa pelikulang Jak Em Poy: The Puliscredibles na entry sa darating na Metro Manila Film Festival na magsisimula sa Disyembre 25.

Katuwiran siguro nina Bossing Vic at Maine na maiintindihan ni Coco kung bakit nila inindorso ang pilot episode ng VM ni Alden dahil una ay kasama nila ito sa Eat Bulaga at panga­lawa ay ka-loveteam ito ni Maine.

Wala pa kaming natatanggap na feedback kung sino ang na­nguna sa rating last Monday sa dalawang TV series nina Alden at Coco.

Natalbugan ba ng VM ni Alden sa rating Ang Probinsiyano ni Coco?

Hindi kami magtataka kapag may lumabas na tinalbugan ni Alden si Coco kung ang kanyang fans ang magsasabi at ganoon din kung ang fans na-man ni Coco ang magsasabi na hindi natalbugan ni Alden ang Probinsiyano ni Coco. Well, yan ang aabangan natin sa mga susunod na araw.

SANDARA PARK AT KASAMANG KOREAN ACTOR DINUMOG;

SECURITY ‘DI NAKONTROL ANG FANS

NAG-VIRAL sa social media especially sa Twitter world ang nangyaring gulo at pagdumog ng mga wild na fans sa South Korean actor na si Nam Joo Hyuk sa ginanap na Meet and Greet sa event ng Penshoppe Fan-Con in Manila sa Mall of Asia Arena last Sunday, July 29.

Dumating sa bansa ang Korean actor kasama si Sandara Park para nga dumalo sa naturang event na kung saan nagkaroon ng pagkakataon ang fans na makapagpa-picture kasama sina Sandara at Nam Joo Hyuk.

Pero may hindi magandang nangyari habang nagpo-photo opp na nakunan pa ng video na nag-viral online.

Makikita sa video na naging wild na talaga ang ilang fans na walang pakialam kahit pinagsasabihan. Naroon hinahawak-hawakan ng mga ito si Nam Joo Hyuk sa iba`t ibang parte ng katawan at niya­yakap-yakap kesehodang may warning na ang hosts na “no holding.”

Hinila at dinumog ng fans ang Korean actor at  sinabi na ng host na, “guys, hindi siya professional wrestler, okay? Don’t  try to grapple him. If you really love him, please respect his personal space as well.”

Pero tila talagang hindi na makontrol ang fans kahit na ilan security ng event (hindi lang malinaw kung ito ay mga guard na nakatoka sa security ng Korean actor at Sandara Park). Hindi na rin ikinatuwa ng actor dahil ‘di na ito komportable.

Si Sandara na katabi ni Nam Joo Hyuk ay nagawang itulak pa ng fans para lang makalapit sa South Korean actor.

Sa Twitter, napakaraming batikos ng netizens sa fans na nagpakita ng hindi magandang asal. May nag-comment nga na sexual abuse na raw ang ginawa ng wild fans sa Korean actor.

Ang  may pagkukulang sa naturang event ay ang organizer o ang Penshoppe or kung may iba pang organizer na involved na hindi pinaghandaan ang security ng kanilang mga bisita.

o0o

DALAGA na ang gumanap na anak ni Gary Estrada sa Robinhood na si Lindsay de Vera na ang tunay na pangalan ay Lindsay Johnston na half-British at half-Pinay.

Sa Victor Magtanggol ay lalabas si Lindsay na bunsong kapatid ni Alden Richards na kamukha ni Jasmine Curtiz-Smith.

Ganap na dalaga na nga si Lindsay dahil kamakailan ay nag-debut na siya pero kahit na raw 18 years old na siya ay may mga bagay na hindi pa rin niya puwedeng gawin.

“I  come from a conservative family. Very protective ang parents ko kaya sumusunod  pa rin ako sa mga gusto nila. Although pagdating naman po sa showbiz work, they trust GMA, especially  when it comes to the roles na bi­nibigay po sa akin sa mga teleserye.

“Like dito po sa Victor Magtanggol, I play the kikay sister of Alden Richards. It`s my first time to work with Kuya Alden at siyempre, natuwa ang parents ko kasi paborito nila si Kuya Alden,’ say ni Lindsay.