ISA sa mga matinding naapektuhan ng pandemya ang fashion industry. Kasabay ng tila pagtigil ng mundo sa pagkalat ng COVID-19, ang pagsasara ng mga gate ng mga subdivision, pagsasara ng mga mall at maraming negosyo noong Marso 2020.
Inamin ng kilalang fashion designer na si Boyet Fajardo na naghirap siya sa pagtigil ng kanyang negosyo dahil sa pandemya. Halos sumuko na ito sa pagkalugi noong 2021, ngunit naiisip niya ang kanyang mga empleyado kaya isinuko niya ang lahat sa Panginoon sa pananalangin. 
Dito na siya nagdesisyon na ibenta ang dalawa sa kanyang mga kotse sa paluging presyo.
Isa rin sa kanyang mga kakilala ang tumawag at inalok na bibilhin ang isa sa kanyang properties.
Nabuhayan ng loob ang fashion designer. Bagama’t hindi nito sinabi kung magkano, naibenta ni Fajardo sa malaking halaga ang kanyang property. Tinawag niya ang pangyayari na isang milagro dahil dito ay muli siyang nakabangon.
“Naibalik ako where I was, naghirap na ako eh,” sabi ni Fajardo sa panayam. Nagbunsod ito upang muling magbukas ang tindahan na Boyet Fajardo sa Robinsons mall kasabay ng pagluwag ng COVID-19 restrictions.
MILAGRO
Maituturing ni Fajardo na ilang beses na nangyari ang milagro sa kanya hindi lamang nitong pandemya kundi sa mga nakalipas na taon sa buhay nito kung saan siya ay nawalan ng paningin dahil sa glaucoma.
Naibalik ang kanyang paningin sa tulong ng isang magaling na doktor, ngunit sinabi nitong utang niya pa rin ang lahat sa Panginoon na nagbigay sa kanya ng katatagan ng loob at bilang pasasalamat ay naging adbokasiya niya ang pagtulong sa foundation ng mga bulag.
Ang buong buhay ni Boyet ay milagro, sa kabila ng kanyang disability ay naabot niya ang rurok ng
tagumpay, nalibot ang buong mundo at nakilala ang kanyang signature brand.
“My disability made me a strong person,” pahayag nito.
Nasa 44 taon na ang negosyo ni Boyet na isa sa patuloy na aktibo sa industriya at marami nang nakaharap na pagsubok, ngunit hindi susuko, pahayag pa nito. Kamakailan ay nagdaos ng fashion show na “Fashion Forte” si Fajardo sa Ruby Ballroom Crowne Plaza Hotel sa Ortigas Avenue. Tampok din dito ang creations nina Carl Arcusa, Junjun Cambe, Mikael Castillo, Lalong Gandasila, Marianne Martin, Nardie Presa, Ramon Santiago, at Lorenzo Vega. At katulad ng dati, si Fajardo ay rumampa sa finale ng pagtatanghal. SUSAN CAMBRI
Related posts:
HAMON NG PANDEMYA: PAGHARAP SA “NEW NORMAL”
MGA #PIGILHININGAMOMENT SA PANAHON NG PANDEMYA (Huwag nang magtiis sa matinding ubo dahil may mabilis at mabisang solusyon para sa dinaramdam mo!)
SCHOOL ELECTRIFICATION NG ONE MERALCO FOUNDATION, MALAKING TULONG NGAYONG PANDEMYA
PANDEMYA TAMANG PANAHON PARA AYUSIN ANG KALIKASAN
MGA SALITANG POPULAR SA PANAHON NG PANDEMYA
PAGBALANGKAS NG MGA TERMINOLOHIYA SA EPEKTIBONG KOMUNIKASYON KAUGNAY NG PANDEMYA
MGA DAPAT GAWIN KUNG DADALO SA FAMILY GATHERINGS NGAYONG PANDEMYA
(Doble kita sa pandemya) DELIVERY RIDER NA RAPPER PA