CEBU- DEAD on the spot ang 60- anyos na incumbent barangay councilor na kakandidato bilang barangay chairman sa gaganaping BSKE 2023 sa Oktubre nang tambangan ng riding in tandem sa lalawigang ito.
Ayon kay Lt. Col. Glenn Hife, hepe ng Balamban Police Station na lulan ng kanyang motorsiklo ang biktima nang dikitan ito ng mga suspek na sakay din ng motorsiklo sa kahabaan ng national highway sakop ng Barangay Prenza sa bayan ng Balamban ng nabangit na probinsiya.
Kinilala ang Barangay Captain aspirant na si Anastacio Pacquiao, opisyal ng Barangay Cansomoroy at deklaradong kandidato bilang chairman ng barangay.
Ayon Col. Hife, personal grudge ang una nilang sinisilip na angulo kaya pinaslang ng mga hindi pa nakikilalang salarin ang biktima.
“Initial, yun na meron kami pero nagsasagawa pa rin kami ng imbestigasyon. Ang motibo sa una ay personal na sama ng loob”, ani Hife.
Base sa pagsisiyasat galing sa kanyang bahay ang biktima at papunta sa hindi malamang lugar bago isinagawa ang pananambang.
Nagtamo ng tama sa ulo ang biktima na idineklarang dead on arrival ng mga attending physician sa pinagdalhan pagamutan.VERLIN RUIZ