MAYNILA – NASAKOTE ng mga tauhan ng Bureau of Immigration (BI) ang isang British na wanted sa United Kingdom (UK) sa kasong pedophile at American na sex offender at wanted naman sa New York, US.
Nasa kustodiya ngayon ng BI ang 68-anyos na si William James ng Neville, Ireland matapos maaresto sa Lubao, Pampanga ng mga operatiba ng Fugitive Search Unit (FSU) ng BI.
Ayon kay BI Commissioner Jaime Morente, nasa wanted list ng UK’s National Crime Agency si James dahil sa pagkakaugnay nito sa pang-aabuso sa bata sa kanilang bahay sa Northern Ireland noong 1996.
Siya ay nakasuhan ng pitong bilang ng indecent assault sa isang babae at dalawang bilang ng kawalang malasakit sa isang bata.
Naaresto rin sa Marikina City si Edward Scism, 45-anyos, na wanted naman sa New York dahil sa pagkabigong magrehistro bilang sex offender. FROI MORALLOS/PAUL ROLDAN
