OPISYAL na pinangalanan ng Samahang Basketbol ng Pilipinas (SBP) ang final 12-man roster ng Philip- pine men’s team sa 32nd Southeast Asian Games sa Cambodia sa pangunguna ni naturalized player Justin Brownlee.
Bahagi rin ng koponan na gagawin ang lahat para mabawi ang gold sa biennial showpiece sina CJ Perez, Chris Ross, Marcio Lassiter, Bran- don Ganuelas-Rosser, Calvin Oftana, Christian Standhardinger, Chris Newsome, Arvin Tolentino, at collegiate players Mason Amos, Michael Philips, at Jerom Lastimosa.
Alternates sina Aaron Black at Ben Philips, habang si Ross ang napiling team captain.
Ang lineup ay inanunsiyo ilang sandali makaraang dumating ang Gilas Pilipinas sa Phnom Penh Linggo ng umaga.
Sinabi ni Ross na nakahanda ang mga Pinoy sa mabigat na hamon na naghihintay sa games.
“The goal is to win the gold. We’ve been really working hard this past two and a half weeks, building team chemistry, building camaraderie. Getting used to each other,” pahayag ng veteran guard.
“We like our chances. But we know that these teams aren’t just gonna lay down. A lot of teams are beefing up their teams,” dagdag ni Ross. “But all the guys are ready for the challenge. We can’t wait to get started.” Sisimulan ng Gilas ang kanilang kampanya kontra Malaysia sa Martes.
