IGINIIT ni Senate President Vicente “Tito” Sotto III na walang ibang dapat sisihin kung hindi maipapasa ang 2019 national budget bago matapos ang taon kundi ang House of Representatives.
Ayon kay Sotto, nitong nakaraang Lunes lamang nila natanggap ang General Appropriations Bill mula sa Kamara kayat mistula silang kawawa at nagkukumahog ngayon sa Senado na maipasa ang budget matapos na hilingin ng Ehekutibo na ipasa ngayong taon ang P3.75 trilyon national budget para sa susunod na taon.
Sinabi pa ni Sotto na noong nakaraang Oktubre pa lamang ay naisumite na nila ang budget sa Senado subalit ngayong araw Disyembre 4 lamang sila magsisimula sa paghimay sa budget na isinumite ng Mababang Kapulungan ng Kongreso.
Duda si Sotto na maipasa ngayong taon ang budget dahil sa pag-iimprenta pa lamang ay aabutin na ito ng ilang araw.
Idinagdag pa ng senador na kung maaprubahan ito ng Senado sa susunod na linggo, gugugol pa rin ng oras ito para sa bicam at pag-iimprenta kaya sakaling hindi man umabot ito sa takdang oras walang ibang dapat sisihin kundi ang mga kongresista hindi ang mga senador. VICKY CERVALES
Related posts:
DAGDAG NA P275-B BUDGET PANLABAN SA COVID-19
₱40-B BUDGET PARA SA 3- BUWANG WAGE SUBSIDY HILING NG DOLE
PAUTANG MAKABABAWAS SA BUDGET GAP
BUDGET SA PAGPAPAGAWA NG CR MATAGAL NANG ISYU SA MGA SOLON
‘CONNECT, CONNECT, CONNECT’ PROGAMS SA 2021 NAT’L BUDGET IGINIIT
PANUKALANG VIROLOGY INSTITUTE, NILALAANAN NG P283-M SA 2021 BUDGET
BUDGET INAASAHANG AGAD NA MAIPAPASA
(Senado binira) PAGGASTA SA DDR INAYAWAN PERO P10B BUDGET SA SENATE BUILDING INAPRUBAHAN