CAMP OLIVAS, Pampanga – ARESTADO ng elemento ng Regional Anti-Trafficking Task Group 3 (RATTG3) sa entrapment operation ang suspek na sangkot sa human trafficking sa Angeles City na nagresulta sa pagkakasagip ng limang minor de edad sa Brgy.!Balibago ganap na alas-4: 00 ng hapon.
Base sa report na tinanggap ni PNP Regional Director PBGen Redrico A. Maranan, kinilala ang nadakip na suspek na si alyas Aira, nasa hustong gulang, na umano’y bugaw ng mga minor de edad.
Sa paunang imbestigasyon ng mga tauhan ng Regional Anti-Trafficking in Persons Task Group 3 (RATTG3) at Regional Women and Children Protection Desk (RWCPD) una na silang nakatanggap ng impormasyon kaugnay sa pagbubugaw umano ng suspek sa mga kabataang babae.
Dahil dito agad isinagawa ang entrapment sa isang gasolinahan, na nagresulta sa pagkaka rescue sa mga minor na dalagita.
Nabatid na nag-aalok ng sexual services ang mga kabataang babae kapalit ng kwarta sa kahabaan ng McArthur Highway sakop ng Brgy.Balibago.
Samantala detenido ngayon ang suspek sa Angeles City Jail dahil sa patong-patong na kaso.
THONY ARCENAL