BULAKENYO WAGI SA P166M JACKPOT PRIZE NG MEGALOTTO

PILIPINO Mirror
Pera

ISANG Bulakenyo ang naging milyonaryo matapos na manalo ng P166 milyong jackpot prize sa MegaLotto 6/45 sa lotto draw na isinagawa kamakalawa ng gabi.

Ayon kay Philippine Charity Sweepstakes Office (PCSO) General Manager Royina Garma, sa Marilao, Bulacan nabili ng lotto winner ang kanyang winning ticket.

Nahulaan ng lucky bettor ang winning combination na 34-11-06-24-25-39 kaya’t naiuwi nito ang premyong P166,546,579.20.

Sinabi ni Garma na maaaring kubrahin ng winning bettor ang kanyang premyo sa PCSO main office sa Shaw Boulevard, Mandaluyong City.

Kinakailangan lang  nitong magdala ng dalawang valid ID at ang winning number ticket.

Samantala, hinimok  ni Garma ang publiko na tangkilikin ang mga laro ng PCSO dahil ang malaking porsiyento aniya ng kinikita rito ay napupunta sa kawanggawa.

Aniya pa, sa halagang P20 lamang ay maaari ka nang maging instant milyonaryo at nakatulong ka pa sa iyong kapwa. ANA ROSARIO HERNANDEZ

Related posts:

jackpotSUPER LOTTO JACKPOT PRIZE, PAPALO NG P171M SA BOLA SA LINGGO lottoTAGA-VALENZUELA CITY, WAGI NG P128M JACKPOT PRIZE SA GRAND LOTTO super lottoSUPER LOTTO 6/49 JACKPOT PRIZE, PAPALO NG P212M SA LINGGO PCSO General Manager Royina GarmaP127M JACKPOT PRIZE SA LOTTO DRAW SA MARTES NG GABI lottoJACKPOT PRIZE NG ULTRA LOTTO 6/58, TATAAS NG HANGGANG P133M  Royina GarmaJACKPOT PRIZE NG GRAND LOTTO 6/55, AABOT NG P225M NGAYONG SATURDAY DRAW! P120M JACKPOT PRIZE NG GRAND LOTTO 6/55, NASOLO NG CEBUANO!

Comments are closed.