NEGROS OCCIDENTAL- MULI na namang nagbuga ng makapal na sulfur dioxide ang Bulkang Kanlaon kaya’t paalala ng Philippine Institute of Volcanology and Seismology (PHIVOLCS) sa publiko na maging alerto at iwasan ang pagpasok sa permanent danger zone sa paligid ng bulkang Kanlaon.
Sa abiso ng PHIVOLCS, muling nagbuga kahapon ng makapal na volcanic sulfur dioxide ang bulkan na may average na 4,839 tonelada.
Ito na ang ikatlong pinakamataas na gas emission mula sa bulkan na naitala ngayong taon at pang-apat mula nang magsimula ang instrumental gas monitoring.
Ayon sa PHIVOLCS, nananatiling mataas ang aktibidad ng bulkan at hindi isinasantabi ang posibilidad na magkaroon pa ng phreatic explosion.
Sa nakalipas na 24 oras, nakapagtala ng 20 volcanic earthquake sa Kanlaon at plume na may 500 metro ang taas at napadpad sa Hilagang bahagi nito.
Sa ngayon, nananatili pa ring nakataas sa alert level 2 ang bulkang Kanlaon.
EVELYN GARCIA
Related posts:
(Taal Volcano aktibo pa rin –Phivolcs) DND AT NDRRMC NAG-AERIAL INSPECTION
(Forced evac sa mga residente ng Cataingan) LUPA SA MASBATE LUMULUBOG
SURIGAO DEL SUR NIYANIG NG M5.3 NA LINDOL – PHIVOLCS
TAAL VOLCANO MULING PAGBUGA NG MATAAS NA ANTAS NG ASUPRE
TAAL VOLCANO NAGBUGA NG PHREATIC O STEAM DRIVEN – PHIVOLCS
BULKANG TAAL NAGTALA NG PHREATIC ACTIVITY
4 MINOR PHREATIC ERUPTIONS NAITALA SA BULKANG TAAL
8 VOLCANIC EARTHQUAKES NAITALA SA TAAL VOLCANO