NAKOPO ng National University ang kanilang kauna-unahang Finals appearance makaraang makihamok sa scoreless stalemate sa titleholder Far Eastern University-Diliman sa UAAP Season 81 juniors football tournament noong Linggo.
Ang Bullpups ay nanatili sa ibabaw ng standings na may 15 points, habang umangat ang Baby Tamaraws sa 14 points sa ikalawang puwesto.
Sa iba pang laro ay pinataob ng Ateneo ang De La Salle-Zobel, 7-1, upang umangat sa 11 points sa ikatlong puwesto.
Matapos ang sariling goal ng Junior Archers sa opening minute, nanalasa ang Blue Eaglets sa pagsasanib-puwersa nina Jethro Paraso, Stephen Herrera, Luard Abaa, Justin Uy, Marcus Bricia at Hugh Soriano.
Ang nag-iisang goal ng De La Salle-Zobel ay nagmula kay substitute Juan Miguel Basmayor sa kalagitnaan ng second half.
Ang Junior Archers ay nananatiling walang puntos.
Related posts:
AFF CHAMPIONSHIP: 3RD STRAIGHT WIN TARGET NG PH VS MALAYSIA
MAKATI FC SASABAK SA JSSL SINGAPORE 7S
FILIPINAS MABIGAT ANG LABAN SA CAMBODIA SEAG
AZKALS VS CHINESE TAIPEI
AZKALS KINAPOS SA CHINESE TAIPEI
AZKALS UMANGAT SA FIFA RANKINGS
MAKATI FC SUMUNGKIT NG 4 TITULO SA CUP NO. 1 TILT SA DENMARK
FILIPINAS VS GRASSHOPPERS SA KRUSYAL NA LARO
Comments are closed.