BULLPUPS SA FINAL 4

Mga laro sa Linggo:

(Filoil Flying V Centre)

9 a.m. – UST

vs Ateneo (Jrs)

11 a.m. – NU

vs UE (Jrs)

1 p.m. – UPIS

vs FEU (Jrs)

3 p.m. – AdU

vs DLSZ (Jrs)

PINATAOB ng National University ang De La Salle-Zobel, 82-67,  upang kunin ang ­unang Final Four berth sa UAAP Season 81 juniors basketball tournament kahapon sa Filoil Flying V Centre.

Matikas na nakiha­mok ang Junior Archers sa unang tatlong quarters hanggang  pamunuan ni Gerry Abadiano ang Bullpups sa payoff period, sa pag-iskor ng 11 sa kanyang game-high 20 points.

Humablot din si ­Abadiano ng 15 rebounds at nagbigay ng apat na assists para sa NU,  na naitala ang ika-10 panalo sa 11 asignatura.

Walang talo sa se­cond round, nagwagi ang Bullpups sa kabila ng ejection ni Terrence ­Fortea sa huling bahagi ng opening period.

Sa iba pang laro ay dinispatsa ng titleholder Ateneo at Far Eastern University-Diliman ang kani-kanilang lower-ranked foes upang manatiling magkasalo sa ika­lawang puwesto.

Nagbuhos si Kai Sotto ng 18 points, 11 rebounds at 5 assists bago inilabas sa  payoff period nang tambakan ng Blue Eaglets ang UP Integrated School, 115-68, habang ginapi ng Baby Tamaraws, sa ­pangunguna ni Xyrus Torres na may 24 points, ang University of the East, 99-82.

Ang Ateneo at FEU-Diliman ay may magka­tulad na 8-3 marka at nakasiguro na sa semifinals playoff berth.