BUNTIS, 2 PA TIMBOG SA P510K SHABU

ARESTADO ang tatlong hinihinalang sangkot sa illegal na droga kabilang ang isang buntis matapos makumpiskahan ng mahigit P.5 milyon halaga ng shabu sa isinagawang buy-bust operation ng pulisya sa Valenzuela City, kamakalawa ng gabi.

Kinilala ni Lt. Joel Madregalejo, hepe ng Valenzuela Police Station Drug Enforcement Unit (SDEU) ang mga naaresto na sina Edgardo Dantes, 49-anyos, driver; Jovienal Nallano, 35-anyos, dri­ver, kapwa ng Balanti St. Brgy. Ugong at Gina Tayahop, 30-anyos, ng Don Simeon St. San Agustin, Brgy. Mapulang Lupa.

Sa report ni Valenzuela police chief Col. Ramchrisen Haveria Jr, kay Northern Police District (NPD) Director Brig.Gen. Jose Hidalgo Jr, dakong alas-8:30 ng gabi nang magsagawa ng buy-bust operation ang mga operatiba ng SDEU sa loob ng Cats Mover Compd. 6059 Balanti St., Brgy. Ugong.

Kaagad inaresto ng mga operatiba ang mga suspek matapos bentahan ng P16,000 halaga ng droga ang isang pulis na nagpanggap na poseur-buyer.

Ayon kay SDEU investigator SSg Ana Liza Antonio, narekober sa mga suspek ang humigit kumulang sa 75 gramo ng shabu na nagkakahalaga ng P510,000.00, buy bust money na isang tunay na P1,000 bill at 15 pirasong P1,000 boodle money, P900 cash, 3 cellphones, isang kulay gray na Mitsubishi Adventure, isang kulay pula na Hyundai Eon at pouch.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. VICK TANES

Related posts:

PAGKAMATAY NG BUNTIS SA OSPITAL IIMBESTIGAHAN CONDOM AT PILLS WA EPEK SA TEEN PREGGY 6-MONTH PREGGY ‘INALAT’ SA BALA, MISTER SUGATAN BUNTIS NA REPAT MULA HUBEI TUMAAS ANG BP ISINUGOD SA OSPITAL ISOLATION FACILITIES SA MGA BUNTIS NA PULIS MINORS, BUNTIS, SENIORS PUWEDE NA SA PUVs BUNTIS, 3 PA PATAY SA SUNOG