COTABATO CITY – PATAY ang isang buntis matapos pagbabarilin ng hindi pa kilalang suspek sa gilid ng kalsada, kamakalawa ng umaga araw ng Miyerkules sa lungsod na ito.
Kinilala ang biktima na si Jacquelyn Petiza, ng Macaguiling, Sultan Kudarat, Maguindanao del Norte.
Dakong alas-11 ng umaga ng Miyerkules sa tapat ng isang gate sa San Isidro St., Rosary Heights 10, ng naturang lungsod.
Lumabas sa imbestigasyon ng pulisya, naglalakad ang biktima sa nasabing lugar ng bigla sumulpot ang mga suspek sakay ng motorsiklo.
Nang matapatan ang biktima ay bumunot ng baril ang angkas ng motorsiklo at binaril ng malapitan sa ulo ang biktima na naging sanhi ng agaran nitong kamatayan.
EVELYN GARCIA
