LUBOS na ipinagpasalamat at ipinagmalaki ng Ai-She Footwear na pag-aari ni Corazon Coligado mula sa Laguna ang Presidential Awards on Outstanding MSMEs na kaniyang tinanggap sa ilalim ng Small Enterprise Category para sa South Luzon.
Nakamit naman ng Pamahalaang Lungsod ng Biñan ang Presidential Recognition para sa Outstanding Development Partner sa ilalim ng Improving Business Climate.
Sa kabilang banda, ang Pamahalaang Panlalawigan ng Laguna ay ginawaran ng Presidential Recognition for Outstanding Development Partner para sa kategoryang Improving/Providing Access to Market.
Samantala, nakatanggap din ang Batangas State University ng Presidential Recognition para sa Outstanding Development Partner sa ilalim ng Improving Technology and Innovation.
Ang event ay pinangunahan ni Pangulong Ferdinand R. Marcos, Jr. sa Malacañang.
RUBEN FUENTES