ARESTADO ang isang call center agent sa kasong kidnapping, serious illegal detention at robbery sa Marikina City.
Kinilala Col. Gerson Bisayas ang nadakip na si Rafael Cristobal y Santiago, 46-anyos at nakatira sa No. 25 Sapphire St., Brgy., Concepcion-Uno sa nasabing lungsod.
Nabatid na dakong ala-1:10 kamakalawa ng hapon nang maaresto ang suspek sa kanyang tahanan sa Sapphire Street.
Ayon sa magkasanib na puwersa nina Maj. Monico Aliado chief ng SIDMS at Maj. Federico Halog Jr ng 2nd MFC RMFB, nasakote nila ang suspek na Top No. 5 most wanted sa bisa ng warrant of arrest na inilabas ni Hon. Judge Romeo D Tagra, RTC Branch-273 ng Marikina City.
Si Cristobal ay may kasong Kidnapping, Serious Illegal Detention at Robbery with Violence against or Intimidation of Person (RPC Art. 294) nitong Marso 3, 2022.
Gamit din ng mga awtoridad sa pag-aresto ang Body worn camera (BWC) para tiyakin na walang nalabag na human rights violation. ELMA MORALES