“IKINALULUNGKOT kong ipabatid na ako ay nakumpirmang positibo sa COVID -19.”
Ito ang malungkot na official statement ni Caloocan City Mayor Oscar “Oca” Malapitan sa kanyang facebook account matapos magpositibo sa COVID-19 kung saan nasa maayos naman itong kalagayan at kasalukuyang nagpapagaling.
Gayunpaman, sinabi ng alkalde na patuloy pa rin niyang gagampanan ang kanyang tungkulin at mandato upang tugunan ang mga pangangailangan ng kanilang mga kababayan.
“Umasa po kayo na ang inyong lingkod ay patuloy na nakaantabay sa mga nagaganap at pangyayari sa ating lungsod habang patuloy ang aking komunikasyon sa mga iba’t ibang sangay ng ating pamahalaan,”anito.
Hinihikayat din nito ang kanyang mga naka-close contact na kaagad magself-quarantine at sumailalim sa swab test. Mayroon aniyang regular na libreng RT-PCR test para sa mga mamamayan ng lungsod.
“Umasa po tayo na malalampasan natin ang pandemyang nagdulot nang matinding kahirapan at sakripisyo sa ating bayan sa pamamagitan ng ating pananampalataya at pagdasal sa Poong Maykapal”, anang alkalde. EVELYN GARCIA/ VICK TANES
171789 977769We are a group of volunteers and opening a new system in our community. Your web web site given us with valuable info to function on. Youve done an impressive job and our entire community will likely be grateful to you. 55131