CARITAS MANILA, MAMAMAHAGI NG P20M HALAGA NG GC SA NCR PLUS AREAS

AABOT sa P20 milyong halaga ng gift certificates ang target na maipamahagi ng Caritas Manila  para sa mga residente sa NCR Plus areas, na nasa ilalim na ngayon ng General Community Quarantine with heightened restrictions.

Sa ilalim ito ng proyektong “Damayan GC Ayuda 2021” ng Caritas Manila, na siyang social arm ng Archdiocese of Manila.

Nabatid na sa kasalukuyan ay aktibo ang Caritas Manila sa pamamahagi ng mga naturang gift certificates sa mga ‘poorest among the poor” na pamilya sa mga Parokya na nasasakupan ng Manila Archdiocese.

Ang bawat gift certificates ay nagkakahalaga ng tig-P1,000 at maaring magamit ng mga mahihirap na pamilya upang ipambili ng kanilang mga pangunahing panangailangan sa isang kilalang grocery store.

Umaabot na umano sa halos 10 libong pamilya o P10 Milyong piso ang naipamigay ng Caritas Manila sa loob pa lamang ng dalawang linggo.

Nasa P10 milyon naman ang inaasahang ipamimigay pa nila sa mga darating na araw .

Magugunitang simula ng magkaroon na mga quarantine measure at kahirapan na dala ng pandemya ay nagpamigay ang Caritas Manila ng mga Gift Certificates at  mula pa taong 2020 umabot na ito sa P1.3 bilyon, katuwang ang iba’t-ibang pribadong sektor.

Maliban dito, namimigay din ngayon ng mga gulay ang Caritas Manila matapos na mag-donate ng P5 milyon ang Ficco Foundation para dito.

Inaasahan na sa mga darating na araw ay maglulunsad din ng pamimigay ng gift certificates ang programang Caritas in Action sa Radyo Veritas 846 para sa mga nawalan ng hanapbuhay dahil pa din sa epekto ng pandemya.

Ang proyekto ay pinamumunuan ng Disaster and Crisis Management program ng Caritas Manila na Caritas Damayan at ng Social Service and Development Ministry nito katuwang ang bawat Parokya na benepisyaryo ng nasabing proyekto. ANA ROSARIO HERNANDEZ

Related posts:

BAKUNADO O HINDI PUWEDENG PUMASOK-LABAS SA NCR PLUS METRO MANILA GCQ PA RIN METRO GCQ PA RIN HANGGANG DISYEMBRE 31 COVID CASES SA NCR TUMATAAS METRO, 9 PANG LUGAR GCQ PA RIN MGCQ SA NCR SA PEBRERO (Irerekomenda ng DTI) MMC magpupulong sa martes kung handa na sa MGCQ ang NCR NCR, 4 PROBINSIYA GCQ WITH HEIGHTENED RESTRICTIONS