RIZAL-NASAKOTE sa pinagtataguan ang 29-anyos na wanted sa kasong carnapping ng mga awtoridad sa Pilillia sa nasabing lalawigan.
Kinilala ni Col. Dominic Baccay, Rizal PNP Provincial Director ang naaresto na si Jerry Obinguar, nasa hustong gulang at nakatira sa M. A Roxas St., Brgy., Bagumbayan sa nabanggit na bayan.
Ayon kay Maj. Florante Yu, hepe ng pulisya, dinakip nila ang suspek dakong alas-12:20 ng umaga kamakalawa sa bahay nito sa Roxas St. sa nabanggit na lugar.
Bitbit ng mga awtoridad ang warrant of arrest na inilabas ni Hon. Maria Josefina Goseco, Presiding Judge ng RTC Branch-79 Morong Rizal laban sa suspek sa kasong Anti-Carnapping Act of 2016 noong Disyembre 3, 2021.
Base sa pulisya, si Obinguar ay No. 5 most wanted sa lalawigan ng Rizal. ELMA MORALES