WELCOME sa police force ang pagkakatalaga kay Lt. Gen. Camilo Pancratius Cascolan bilang bagong hepe ng Philippine National Police (PNP) na epektibo ngayong araw.
Nauna rito, inanunsiyo ni Presidential Spokesman Harry Roque na si Cascolan ang pansamantalang mamahala sa PNP kasunod ng pagreretiro ngayong araw din ni PNP Chief Gen. Archie Francisco Gamboa.
Subalit, kahapon ay nilagdaan na rin ni Pangulong Rodrigo Duterte ang appointment ni Cascolan bilang bagong PNP chief.
Agad na tiniyak naman ni PNP Spokesperson Brig.Gen Bernard Banac na buo ang suportang ibibigay kay Cascolan bilang OIC upang maipagpatuloy ang pagtupad sa kanilang tungkulin sa harap ng pandemya at banta ng terorismo.
Dagdag pa ni Banac, sa kakayahan at expertise ni Cascolan, matatag ang kanilang paniniwala na maipagpapatuloy nito ang pagtiyak sa peace and order, paglaban sa krimen, terorismo, kalakalan ng iligal na droga at maging sa korapsyon.
Bitbit umano nito ang kakayahan sa pamumuno na hinubog sa karanasan sa field operations at strategic management.
Si Cascolan ay mistah ni Gamboa sa PMA Sinagtala Class of 1986 at nakatakdang magretiro sa Nobyembre ngayong taon. EUNICE C.
Related posts:
PNP CHIEF BACK TO WORK NGAYON
TERM EXTENSION NI PNP CHIEF GAMBOA POSIBLE
CASCOLAN KUMAMBIYO SA PROMOTION NI SINAS
(Bilang susunod na PNP chief) ‘DREAM TEAM’ NI CASCOLAN PINAGPIPILIAN
DEBOLD SINAS BAGONG PNP CHIEF
PNP CHIEF, GEN. SINAS TINAMAAN NG COVID-19
PNP CHIEF, AIDE TINAMAAN NG COVID-19
(PNP Chief, Gen. Acorda) WALA MUNANG RESHUFFLE
Comments are closed.