“IPINAGMAMALAKI namin kayo, kaya susuklian namin ang inyong ginawang sakripisyo at dinalang dangal para sa ating mahal na Pilipinas.”
Ito ang mensahe ni Presidente Ferdinand “Bongbong” Marcos Jr. sa mahigit 300 Team Philippines medalists na dumalo sa incentives awarding sa Malacañang Palace kahapon ng hapon.Bilang pagpapakita ng pagkilala at pasasalamat sa kanilang pagpupunyagi, dinoble ng Pangulo ang insentibo ng medalists ng bansa sa 32nd Southeast Asian Games at 12th ASEAN Para Games sa Cambodia.
“Asahan ninyo na sa administrasyong ito, gagawin natin ang lahat na maipalabas natin ang kagalingan at husay ng ating atleta,” ani Marcos.
Ang generous gesture ng Pangulo ay nangangahulugan na papantayan niya ang P49,706,250 na kabuuang cash incentives sa lahat ng medalists sa ilallm ng Republic Act 10699.
Sa ilalim ng batas, ang SEAG individual gold medal ay nagkakahalaga ng P300,000; silver medal, P150,000; at P60,000 para sa bronze, habang ang APG medalists ay tatanggap ng kalahati ng naturang halaga kada medalya.
“President Marcos was pleased by the performance of our athletes, and we thank his generosity that would definitely boost the morale of our sports heroes,” wika ni Philippine Sports Commission (PSC) Chairman Richard Bachmann.
Sa kanyang welcome speech, binigyang-diin ni Bachmann na “with a great deal of challenge and circumstances, this batch of national athletes managed to overcome. You have reminded this nation that our resiliency is a gift that allows us to conquer obstacles in pursuit of greatness.”
Dumalo rin sa awarding sina PSC Commissioners Bong Coo, Fritz Gaston, Edward Hayco, at Walter Torres at Executive Director Paulo Tatad, kasama sina Philippine Amusement and Gaming Corporation (PAGCOR) Chairman & CEO Alejandro Tengco, Senator Francis Tolentino, Philippine Olympic Committee (POC) President Bambol Tolentino at Philippine Paralympic Committee (PPC) President Michael Barredo.
Ang Team Philippines ay nag-uwi ng 260 medalya na may 58 golds, 85 silvers, at 117 bronzes mula sa 32nd SEA Games at record breaking 117 medals na may 34 golds, 33 silvers, at 50 bronzes mula sa 12th APG.
-CLYDE MARIANO
Related posts:
CASH BONUSES SA CAMBODIA SEAG AT APG MEDALISTS IPAMAMAHAGI NI PBBM
CASH INCENTIVES SA SEAG MEDALISTS
SEAG: 5 PANG GINTO SA PINAS
‘SO FAR, SO GOOD’ (Pinas wagi ng 6 pang ginto)
PH GYMNASTS HUMATAW (Wagi ng 3 pang ginto)
CRAY HUMARUROT (Ika-6 sunod na ginto sa 400m hurdles nadale)
HABOL, PINOY! (Wushu star pinangunahan ang 4-gold haul ng PH)
9 PINOY BOXERS SUSUNTOK NG GINTO