HINIKAYAT ng Department of Labor and Employment (DOLE) ang mga employer na gawing cashless ang pagpapasahod at pagkakaloob ng benepisyo sa kanilang mga manggagawa.
Ayon kay Labor Assistant Secretary Dominique Tutay, ang kanilang panawagan sa mga employer na magpatupad ng cashless payroll ay para matiyak ang kaligtasan ng bawat isa laban sa banta ng COVID-19.
“Ang mga employer po gaano man po tayo kaliit o kalaki ay bigyan po natin ng tuon ‘yung payroll system natin using the digital technology, using digital wallets or e-payments,” sabi ni Tutay.
Nagpahayag naman ng suporta ang Employers’ Confederation of The Philippines (ECOP) sa panawagan ng DOLE pero hindi umano ito pupuwede sa lahat ng mga manggagawa.
Sinabi ni ECOP president Sergio Ortiz-Luis Jr. na may mangilan-ngilang mga manggagawa sa bansa ang ‘isang kahig, isang tuka’, kung saan hindi kakayaning maglagak ng maintaining balance sa bangko na paglalagyan ng kanilang sahod.
Sa datos ng Bangko Sentral ng Pilipinas (BSP), karamihan o 71% porsiyento ng mga Pinoy ang wala pang kahit anong financial accounts noong 2019. DWIZ 882
Related posts:
P13.7-B SA 13TH MONTH PAY SUBSIDY KAKAILANGANIN NG DOLE
SKYWAY EXTENSION PROJECT TIGIL MUNA MATAPOS ANG GIRDER ACCIDENT
DOLE SA MGA EMPLOYER: HOLIDAY PAY NG WORKERS IBIGAY NA
LIBO-LIBONG TRABAHO ALOK SA DOLE ONLINE JOB FAIR
DEPLOYMENT NG NURSES SA UK, GERMANY DAHAN-DAHAN LANG – DOLE
(Alok ng DOLE sa Independence Day job fairs) LIBO-LIBONG TRABAHO
(Kasado na sa 13 rehiyon) WAGE HIKE SA KASAMBAHAYS
(Ngayong Independence Day) HALOS 85K JOBS ALOK NG DOLE
Comments are closed.