PANGUNGUNAHAN ni World Boxing Organization (WBO) bantamweight champion Johnriel Casimero ang isang all-boxing discussion sa online session ng Philippine Sportswriters Association (PSA) Forum sa Martes, Sept. 29.
Sariwa mula sa kanyang third round demolition kay Duke Micah ng Ghana upang mapanatili ang kanyang 118-lb crown, si Casimero ay sasamahan ni Manny Pacquiao (MP) Promotions President Sean Gibbons upang talakayin ang kanyang mga plano sa hinaharap.
Ang iba pang boxing topic ay ang kauna-unahang ‘bubble’ boxing card sa bansa na gaganapin sa Oct. 7 sa Mandaue City. Dadalo si Cebuano promoter Joe Romero at ang dalawa sa kanyang fighters sa 10:00 a.m. sports program upang ipaliwanag ang kauna-unahang fight promotion sa bansa sa gitna ng COVID-19 pandemic.
Ang weekly Forum ay naka-livestream via PSA Facebook page fb.com/PhilippineSportswritersAssociation at isi-share din ng Radyo Pilipinas Facebook page.
Comments are closed.