(Ceasefire ng mga ‘Red’ pansarili at para lang sa kanilang anibersaryo) DND-AFP CHRISTMAS WISH: MAIGTING NA BALIK-LOOB PROGRAM

CAMP AGUINALDO – KUNG may Chrismas wish ang Department of National Defense (DND) ito ay ang maging matagumpay ang kanilang Balik-Loob Program o paghikayat sa mga rebelde na sumuko at bumalik sa normal na pamumuhay kaysa Christmas ceasefire.

Ayon kay Defense Secretary Delfin Lo­renzana, wala siyang planong irekomenda kay pangulong Rodigo Duterte ang pagpapairal ng ceasefire laban sa Communsit Party of the Philippines.

“We just are fooling ourselves about this cease fire. A ceasefire is always in their favor never our troops,” ayon kay Lorenzana.

Nabatid na nagdeklara ng kanilang unilateral ceasefire ang CPP-NPA kasabay ng pag-obserba ng Kapaskuhan sa bansa at pagdiriwang ng kanilang golden anniversary.

Sa inilabas na paha­yag ng partidong-komunista, epektibo alas-12:01 ng umaga ng Disyembre 24 hanggang bago magha­tinggabi ng ­Disyembre 26 ang idineklara nilang tigil putukan.

Muli itong ipapatupad alas-12:01 ng umaga ng Disyembre 31 hanggang 11:59 ng gabi nang unang araw ng 2019.

Ayon sa CPP – Central Committee habang umiiral ang ceasefire, hindi magsasagawa ang NPA ng kanilang opensiba laban sa puwersa ng gobyerno.

“Ayaw natin silang bigyan ng pagkakataon na makapag-propagandize, we will not recommend, we will not reciprocate… As a matter of fact kaya naman ‘yan unilateral, magdeclare sila mag-declare kami ng sa amin, nasa kanila ‘yun. To me, to us, it’s a gambit na gusto nilang gawin para sa ganu’n sumagot tayo but we already learned our lessons of the past,” ayon kay B/Gen. Edgard Arevalo, tagapagsalita ng AFP.

Sa panig ng DND at AFP sa halip na magdeklara ng Suspension on  Military Ope­ration/offensive ay pinasimulan naman ng  Task Force Balik Loob (TFBL) ang kanilang Christmas Campaign na humihikayat sa mga rebelde na magbalik-loob sa pamahalaan at  ma­kinabang sa Enhanced Com-prehensive Local Integration Program (E-CLIP), at makasama ang kanilang mga pamilya ngayong kapaskuhan. VERLIN RUIZ