CENTENO TINUMBOK ANG WOMEN’S WORLD 10-BALL CROWN

INANGKIN ni Filipino cue artist Chezka Centeno ang women’s world 10-ball title makaraang pataubin si Han Yu ng China sa Klagenfurt, Austria noong Linggo.

Tinalo ni Centeno si Yu sa iskor na 9-5 at naibulsa ang $50,000 (mahigit P2.8 million) top prize.

“This is truly a dream come true moment for me,” pahayag ni Centeno sa isang post sa Instagram. “This win is not just mine; it’s all of ours.”

Bago tinalo si Yu sa winner-take-all finals ay nanalo si Centeno sa lahat ng kanyang limang laban, kasama ang 9-8 panalo kay Allison Fisher ng Great Britain sa semifinals.

Nanaig din si Centeno kina China’s Pan Xiaoting, 9-0, sa opening match; Melanne Sussenguth ng Germany sa round of 16 at reigning champion Chou Chieh Yu ng Chinese Taipei, 9-2, sa quarterfinals

Si Centeno ay ikalawang Pinay na nagwagi ng women’s world 10-ball crown matapos ni two-time winner Rubilen Amit.

Isa rin siyang four-time Southeast Asian Games gold medalist.

Ang paglahok ni Centeno ay sinuportahan ng Billiards and Snooker Congress of the Philippine, Philippine Sports Commission at Philippine Olympic Committee.

CLYDE MARIANO