INAMIN ni Commission Higher Education OIC Dr. J. Prospero De Vera na hindi kinonsulta ng Budget Department ang ahensya kaugnay sa inilatag na cash-based budgeting system para sa 2019 proposed national budget.
Sa budget hearing ng CHED sa Kamara, sinabi ni De Vera na malaking problema nila ang pagpapatupad ng RA 10931 o ang Universal Access to Quality Tertiary Education na may P50 bilyon budget para sa 2019.
Subalit mas pinoproblema ng ahensya ang paggugol sa budget para sa free college education dahil sa hindi nagtutugma ang fiscal year sa academic year.
Ang fiscal year para sa 2019 ay nagsisimula ng Enero hanggang Disyembre 2019 pero ang academic year para sa 2019 ay magsisimula ng Hunyo 2019 hanggang Abril 2020 habang sa ibang paaralan naman ay magsisimula ng Agosto 2019 hanggang Hunyo 2020.
Ayon kay De Vera, ang malaking problema nila ay ang 2nd semester ng school year dahil hindi na nito sakop ang 2019 fiscal year.
Sinabi pa nito, hindi puwedeng manghula kung ilang enrollees para sa 2nd semester dahil ito ay dadaan pa sa certification at verification.
Dahil dito, pinangangambahan ni De Vera na hindi maire-reimburse ng maraming paaralan ang matrikula para sa 2nd sem sa ilalim ng free college education dahil sa negatibong epekto ng cash-based budget system na kinakailangang magamit sa loob lamang ng taong 2019.
Ang budget ng CHED sa 2019 ay bumaba sa P50.4 bilyon mula sa P50.533 bilyon ngayong taon. CONDE BATAC
Related posts:
PONDO SA FREE EDUC PROGRAM INTACT- CHED
CHED SUPORTADO ANG ‘WALANG BAKUNA, WALANG KLASE’
CHED, PINARANGALAN SI SALCEDA BILANG ‘FATHER OF THE FREE COLLEGE TUITION LAW’
PANAWAGAN NG BBM-SARA UNITEAM SA CHED: PLANONG PAGTAAS NG TUITION IPAGPALIBAN
SENIOR HIGH SA MGA STATE U AND COLLEGES TIGIL NA
TAMANG TRANSISYON SA PAGHINTO NG MGA PROGRAMA SA SENIOR HIGH SA SUCS HINILING
STUDES SA SENIOR HIGH PINATITIYAK NA DI MADI-DISPLACE
CLASSROOMS NA GAMIT NG SENIOR HIGH SCHOOL KAILANGAN NANG GAMITIN NG SUCs AT LUCs
Comments are closed.