HINDI man maiuuwi ang korona para sa Miss Universe 2024, tinanghal naman ng pamunuan ng Miss Universe bilang kauna-unahang Miss Universe Asia si Miss Philippines Chelsea Manalo.
Inanunsiyo ito sa ginanap na press conference sa Mexico matapos ang ginanap na ika-73rd Miss Universe.
Kasama si Manalo sa mga bihaye ng Miss Universe.
Mag-iikot ito sa Asya dahil ito ay bahagi ng kaniyang mandato.
Super proud pa rin sa kanya ang Pilipinas kahit na hanggang Top 30 lamang ito.
Tinanghal si Miss Denmark Victoria Theilvig bilang bagong Miss Universe 2024.
Si Theilvig ang kauna-unahang Miss Universe mula sa Denmark.
Si Miss Nigeria Chidimma Adetshina ang First Runner up.
Second Runner-up naman si Miss Mexico Maria Fernanda Beltran.
Third Runner-up si Miss Thailand, Suchata Chuangsri at ang Fourth Runner-up ay si Miss Venezuelan Ileana Marquez.
