KINUMPIRMA ni Senador Risa Hontiveros na isa sa kanyang staff ang nagpositibo sa COVID-19 at nalaglag ang nasa kanyang sinapupunan.
Ayon kay Hontiveros, si Atty. Jaye dela Cruz Bekema na kanyang chief legislative officer na mismo ang personal na nagsabi na nag-positibo ito sa nasabing virus, limang araw matapos na malaglag ang kanyang dinadala na 18 weeks na sanggol.
Nilinaw naman ng senador na simula noong Marso 9 bago pa ang Enhanced Community Quarantine (ECQ) ay nag-self quarantine na si Bekema.
Nagdiwang pa umano sila Hontiveros matapos na ianunsiyo ni Bekema na buntis na siya at maaari na niyang magamit ang 105-expanded maternity leave, kaya ikinalungkot nito ang nangyari sa kanyang staff.
Tiniyak naman ng senadora na sumusunod ang kanyang staff sa guidelines ng DOH kaugnay sa home based COVID management.
Matatandaan na hindi lamang si Bekema ang unang staff ng Senado na nagtaglay ng COVID-19 kundi maging ang lalaking staff ni Senador Bong Revilla na sumakabilang buhay na matapos na ma- confine sa isang ospital sa Imus, Cavite dahil sa umano’y pneumonia. VICKY CERVALES
Related posts:
(Sa banta ng COVID-19) PUBLIKO PINAKALMA NI DIGONG
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
ISRAEL AT LEBANON MAY NAITALANG KASO NG COVID-19
(Nasa iba’t ibang bansa) 63 PINOY POSITIVE SA COVID-19
5 PINOY SA LUXURY SHIP, NAKITAAN NG SINTOMAS NG RESPIRATORY ILLNESS
(Pinag-aaralan ng gobyerno) TRAVEL BAN SA JAPAN, ITALY, IRAN
PANGANIB NG COVID-19 NASA “VERY HIGH” LEVEL NA–WHO
Comments are closed.