(Chooks-to-Go/MPBL Lakan Cup) BATAAN BINOMBA ANG BASILAN

BALANGA, BATAAN – Nalusutan ng 1Bataan-Camaya Coast ang fourth quarter expolosion ni Allyn Bulanadi upang maitakas ang 91-83 panalo laban sa Basilan-Jumbo Plastic sa 2019-20 Chooks-to-Go/MPBL Lakan Cup noong ­Huwebes sa Bataan People’s Center dito.

Binitbit ng 24-point third quarter, pumasok ang Risers sa final period na may 67-47 kalama­ngan.

Sa likod nina Irwen Palencia at Allyn Bulanadi, tinapyas ng Jumbo Plastic-backed Basilan ang 20-point lead sa 12 points, 67-79.

Kasunod nito ay umatake si Bulanadi  at naitala ang huling 16 points ng Basilan upang ilapit ang kanyang koponan sa 83-89, may 24 segundo ang nalalabi sa orasan.

Subalit ito na lamang ang pinakamagandang nagawa ng Basilan dahil kumana si Joseph Nalos ng 2-for-2 sa charity stripe sa sumunod na play upang palobohin ang bentahe ng Bataan sa limang puntos, may 20.6  sa orasan.

“I was really worried about him [Bulanadi], kasi when I was watching the tapes ‘di ko alam kung saan ‘yung weakness niya. Pero buti nung dulo na lang, if it was in the earlier part baka hindi kami nagkaroon ng cushion,” wika ni Risers head coach Jonas Villanueva patungkol sa fourth quarter explosion ni Bulanadi.

Sa panalo, nanatili ang Risers sa seventh spot sa Northern Division na may 15-10 kartada at pinutol din ang six-game winning streak ng Basilan.

Nanguna si John Villarias para sa Bataan na may 17 points, 6 assists, at 6  rebounds habang nagdagdag sina Chito Jaime at Reed Juntilla ng 13 at 12 markers, ayon sa pagkakasunod.

Tumapos si Bulanadi – nagposte ng 23 points sa fourth period  pa lamang – na may 26 points sa 7-of-19 shooting clip para sa Basilan.

Nagdagdag sina Cris Dumapig at Arvie Bringas ng 13 at 12 points, ayon sa pagkakasunod.

Nahulog ang Basilan sa fifth spot ng Southern Division na may 15-9 rekord,

Sa iba pang laro ay binuhat ng clutch baskets ni Kyle Neypes ang Biñan City Luxxe White laban sa Caloocan-Victory Liner, 72-68.

Iskor:

1Bataan-Camaya Coast (91) – Villarias 17, Jaime 13, Juntilla 12, Jumao-as 9, Batino 8, Iñigo 8, Gallardo 6, Nalos 5, Gozum 5, Castro 4, Llanto 2, Cudal 2.

Basilan-Jumbo Plastic (83) – Bulanadi 26, Dumapig 13, Bringas 12, Collado 10, Dagangon 10, Palencia 6, Uyloan 3, Hallare 3 Gabo 0, Balucanag 0, Bautista 0, Manalang 0, Daa 0.

QS: 27-19, 43-30, 67-47, 91-83.

Biñan City-Luxxe White (72) – Bautista 20, Neypes 12, A.Mangahas 10, Acosta 10, Villanueva 6, J.Mangahas 5, Parala 4, Castañares 3, Rivera 2, Stevens 0, Mendoza 0, Pontejos 0.

Caloocan-Victory Liner (68) – Sanga 15, Labing-isa 13, Torres 11, Mandani 7, Lasco 6, Ambulodto 5, Escalambre 5, Manilao 3, Sarangay 2, Gonzales 1, Tongco 0.

QS: 22-13, 36-28, 53-48, 72-68