“We will see.”
Ito ang tugon ni Pangulong Ferdinand Marcos Jr. nang tanungin kung may posibilidad na mapagkalooban ng clemency si Mary Jane Veloso na nakatakdang ilipat sa Philippine facility matapos ang ilang taon na pagkakakulong sa Indonesia sa hatol na parusang kamatayan dahil sa ilegal na droga noong 2010.
Sinabi ng Pangulo na hindi pa maliwanag kung ano ba talaga dahil ito ang unang pagkakataon na nangyari ito sa Pilipinas.
Nauna rito, inanunsyo ng Pangulo na makakauwi na ng Pilipinas si Veloso.
Pinasalamatan naman ni Pangulong Marcos si Indonesian President Prabowo Subianto, at ang Indonesian government sa kanilang kabutihang-loob, at pagpapamalas ng dalawang bansa ng pagtutulungan sa usapin ng hustisya at pagmamalasakit.
Samantala, ang walang humpay na pakikipag-usap at kasunduan batay sa international comittee and courtesy sa Indonesia kaya’t maibabalik na ng bansa si Veloso.
Iginiit ito ng Department of Justice (DOJ) at hindi dahil sa treaty na mayroon ang Pilipinas at Indonesia.
Maraming administrasyon na umano ang nakiusap sa gobyerno ng Indonesia na mapalaya ang Pinay ngunit ang mga ito ay nabigo.
Ngayong ilipat na si Veloso sa pangangasiwa ng Pilipinas, maililigtas na rin ito sa parusang kamatayan dahil walang death penalty sa bansa.
Inaasahan namang maibabalik sa Pilipinas si Veloso ngayong Disyembre.
Labis ang pasasalamat ng pamilya Veloso sa kaganapang ito.
Related posts:
BUSINESS GROUPS PRAISE BBM FOR APPOINTING ECONOMIC “A-TEAM”
AGENDA FOR PROSPERITY ITUTULAK NG MARCOS ADMIN
Bong Go salutes Filipino athletes during Konsyerto sa Palasyo event of PBBM
PBBM, FL nagsagawa ng sorpresang pagbisita sa Lucky Plaza
SINAG says PBBM’s rejection of the proposed rice import tariff cut favors the Filipino farmers
PBBM, MANATILING DA CHIEF NG 3 TAON
PBBM, DA: Suplay ng bigas matatag
PBBM pinuri sa pagsuspinde sa implementasyon ng Maharlika Investment Fund