COCO MARTIN WISH MAGKAROON NG PART 2 KINA BOSSING VIC AT MAINE

SOBRA ang pagpapasalamat ni Coco Martin sa ABS-CBN dahil pinayagan siya na makatrabaho ang mga taga-Kapuso network tulad ni Vic Sotto na pangarap nitong makasama noon pa sa isang pelikula.

Kaya naman, nang bigyan siya ng go-signal ng Dos ay siya mismo ang nakipagtrabaho kina Vic at Mr. Tony Tuviera ng APT Entertainment Inc. Masaya siya na makatrabaho ang mga ito dahil ang turing nila sa mga katrabaho nila ay pamilya. Inamin nito na unang araw pa lang daw na makatrabaho ang mga ito ay nagulat siya dahil maalaga lahat.

Kaya wish pa ni Coco na muli silang magkasama nina Maine at Vic sa iba pang proyekto, kung ‘di man sa part two ng pelikulang Jack Em Popoy.

Inamin din ni Coco na may nagugustuhan siya kay Maine at ito ang walang kaartehan sa katawan. Very professional daw ito kaya noong unang salang nila sa eksena ay hindi siya nakaramdam ng pagka-ilang sa aktres.

Kuwento ni Coco, mayroon silang intimate scene ni Maine sa ilang eksena lalo doon sa action scences na nagkakadikit ang kanilang katawan pero hindi raw nai-intimidate ito. Isa pa sa nagustuhan nito sa kanyang leading lady ay natural daw ang pagiging komedyante nito. Magaling daw ito sa kanyang comic timing at siya na ang gumagawa noon.

KAPUSO, UMANI NG PARANGAL SA 5th INDING-INDIE EXCELLENCE AWARD 2018

UMANI ng parangal ang mga programa at personalidad ng GMA network sa nakaraang 5th Inding-Indie Short Film Festival Excellence Awards 2018. Ginanap ito sa National Press Club noong Disyembre 7, 2018.