CAVITE – NAPAAGA ang salubong ni kamatayan ng 23-anyos na 2nd year college student matapos itong malunod sa swimming pool sa Brgy. San Nicolas 1, Bacoor City sa lalawigang ito, Sabado ng umaga.
Idineklarang patay sa Cavite East Asia Medical Center ang biktimang si John Daniel Camigla y Delamente ng #1322 Fruto Santos Avenue, Brgy. Zapote, Las Pinas City.
Sa inisyal na police reoort mula sa Camp Pantaleon Garcia, lumilitaw na nagkayayaan ang biktima at mga kaibigan na maligo sa Saulog Resort sa nasabing lungsod nitong Sabado ng umaga.
Napag-alamang tinungo ng biktima ang swimming pool ng nasabing resort kung saan naiwan naman ang kanyang mga kaibigan na nagbibihis.
Ilang minuto ang nakalipas ay hinanap ng mga kaibigan ang biktima na huling namataan nag-dive sa swimming pool sa bahagi ng 7 ft. Area kaya napilitang usisain.
Dito na nakita sa ilalim ng tubig na ang biktima ay hindi na gumagalaw kung saan pinagtulungan naman iahon ng mga kaibigan bago isinugod sa nasabing nagamutan subalit hindi naisalba ang buhay. MHAR BASCO