SAMA-SAMANG nagprotesta ang mga mangingisda, environmental groups, Philippine Movement for Climate Justice (PMCJ) at OCEANA Philippines sa harap ng Bureau of Fisheries and Aquatic Resources (BFAR) at Department of Agriculture nitong Disyembre 30.
Kinondena ng grupo ang desisyon ng Korte Suprema na nagpapatibay sa naunang hatol ng Malabon Regional Trial Court na nagpapahintulot sa mga komersyal na barko na mangisda sa loob ng 15-kilometer municipal waters.
Ayon sa mga grupo, malaking kapabayaan ng mga kaukulang ahensya ng gobyerno ang pagpapaubaya sa ganitong gawain na direktang nakakaapekto sa kabuhayan ng maliliit na mangingisda at sa likas na yaman ng karagatan.
“Ipinaglalaban namin ang karapatan ng mga maliliit na mangingisda na protektahan ang kanilang hanapbuhay laban sa mga malalaking komersyal na barko na sumisira sa ating yamang-dagat” pahayag ng isang lider ng PMCJ.
Hinikayat nila ang BFAR at Department of Agriculture na agarang magpatupad ng mga hakbang upang ipatigil ang komersyal na pangingisda sa municipal waters at masiguro ang sustenableng paggamit ng mga likas na yaman ng bansa.
RUBEN FUENTES
Related posts:
1K MAGSASAKA, MANGINGISDA INAYUDAHAN
PAG-ANGKAT NG ISDA TUMAAS SA 30,000 MT
INDUSTRIYA NG HITO PALALAGUIN
DA OFFICIAL AMINADONG MABAGAL ANG BAKUNAHAN SA ASF
KADIWA STORES SA MGA SINALANTA NG BAGYO
MGA KABATAANG AGRI AT BIOSYSTEMS ENGINEERS SAGOT SA FOOD SECURITY
DWARF SPERM WHALE NA-STRANDED SA QUEZON SHORELINE
PAGPAPALAKAS NG DAIRY INDUSTRY GAMIT ANG AI ISINUSULONG