IDINEKLARA ng lokal na pamahalaan ng Lungsod ng Quezon na ilagay sa “special concern lockdown” ang isang compound sa Barangay Tandang Sora matapos na makapagtala ng hawaan sa COVID-19.
“We had to place this area under lockdown so as to stop further infections. From an index case, she has infected more people because of a social gathering,” ayon kay Mayor Joy Belmonte.
Sa index case, isang government employee na bagaman nagpapakita umano ng mga sintomas ng virus nitong unang Linggo ng Disyembre, nakisalamuha pa rin sa kanyang pamilya, at dumalo pa sa birthday celebration ng kaibigan.
Nang isailalim sa swab test noong Disyembre 9 ay lumabas na positibo sa COVID-19 ang nasabing empleyado.
Umaabot naman sa 81 katao ang nakalistang nakasalamuha ng empleyado, kabilang ang isang buntis, pitong senior citizens, at anim na minors.
Sa 44 katao na nakasalamuha ng empleyado na isinailalim sa swab test, sampu ang nagpositibo sa virus dahilan upang isailalim sa ‘special concern lockdown’ ang nasabing compound sa Brgy. Tandang Sora Balara habang ang iba pang nakasalamuha ay naghihintay pa ng resulta.
“This is a perfect example of why it is important not to engage in any social gathering such as parties and reunions because one can get infected just by comingling with a symptomatic individual,” giit ng alkalde. EVELYN GARCIA
Related posts:
QUARANTINE AT TREATMENT FACILITY SA MARIKINA BUKAS NA
KASO NG COVID-19 SA LAS PIÑAS 91 NA LANG
BUMABA NA SA 33 COVID-19 CASES SA SAN JUAN CITY
COVID-19 VACCINATION SA 2021 PA SISIMULAN
106 BRGYS SA CALOOCAN COVID 19- FREE NA
90.2% NA ANG GUMALING SA COVID-19
141 BRGYS SA PASAY COVID-19 FREE NA
P31 M MOLECULAR LAB SA PQUE BUBUKSAN NA
Comments are closed.