CAVITE – SELDA ang binagsakan ng 26-anyos na construction worker na sinasabing courier ng marijuana makaraang masakote ng jailguard sa tangkang pagpupuslit ng marijuana sa BJMP Tagaytay Jail sa Barangay Guinhawa, Tagaytay City, Cavite kamakalawa ng hapon.
Isinailalim sa tactical interrogation ang suspek na si Daniel Justine Porcia y Castro ng C3 Road, Tamban Street, Dagat-Dagatan Avenue sa Brgy. 22, Caloocan City.
Base sa police report na nakarating sa Camp Pantaleon Garcia, lumilitaw na dadalaw sana ang suspek sa kaibigang preso na si Luisito Sarabia na nakakulong dahil sa kasong paglabag sa RA 9165 sa Bureau of Jail and Management Penology (BJMP) sa nasabing lungsod.
Gayunman, pagsapit sa searching area ay napansin ni JO1 Mark Polanes na balisa at may kakaibang ikinikilos ang suspek.
Dito na naghinala si JO1 Polanes na may itinatago ang suspek kaya lahat ng gamit nito ay isa-isang binusisi kung saan natagpuan ang pinatuyong dahon ng marijuana na nakalagay sa botelya ng pabango na ipupuslit sana para sa kaibigang preso.
Pina-physical examination, drug testing at medical check-up sa Ospital ng Tagaytay ang suspek habang isinailalim naman sa chemical analysis ang nasamsam na marijuana. MHAR BASCO
Related posts:
ONLINE SELLER NG MARIJUANA TIMBOG
P400K MARIJUANA NAKUMPISKA SA LOCAL TOURIST
MAGKASINTAHAN SWAK SA SELDA SA V-DAY
STUDENT NA MAY DALANG DAMO INARESTO
KARGADOR AT MENOR NAKUMPISKAHAN NG MARIJUANA OIL
3 RIDERS NASITA SA HELMET TULUYANG KULONG SA DAMO
P2-M MARIJUANA PLANTATION SINIRA NG MGA PULIS
10 KILO NG MARIJUANA KUMPISKADO, 2 TULAK NADALE SA ENGKUWENTRO
Comments are closed.