CRACKDOWN SA SALAULANG RECRUITER ILULUNSAD NG DOLE

JING PARAS

KASUNOD  ng pag-aalis sa  total deployment ban sa Kuwait,  lalansagin ng Department of Labor and Employment (DOLE)  ang   pasaway na recruitment agencies na patuloy na nagpapadala ng overseas Filipino workers (OFWs) sa Gulf state.

Ayon  kay DOLE  Undersecretary Jacinto V. Paras ito ay bilang pagtalima sa  mga kondisyon  sa ilalim ng   bagong   Philippine-Kuwait Memorandum of Understanding (MOU)  para sa proteksiyon ng Filipino household service workers (HSW),  na nilagdaan noong  Mayo 11, 2018.

Si Paras  ang bagong talagang cluster head  ng  DOLE  na namamahala  sa Philippine Overseas Employment Administration (POEA) at  Overseas Workers Welfare Administration (OWWA).

“There must…be review of the licenses of manpower agencies and allow only those who are not notoriously and constantly violating the law and POEA rules and regulations to deploy workers [to Kuwait],” pahayag ni Paras.

Bahagi rin ng commitment ng Pilipinas sa MOU sa Kuwait na tiyakin na  ang lahat ng pinadadalang Filipino HSWs  sa  Kuwait ay dumaan sa pagsasanay sa mga gawaing bahay.

Sa pagtiyak sa qualifications  ng  Filipino HSWs sa Kuwait,  dapat din tiyakin ng  Kuwaiti government  na  may minimum na pitong oras na tulog araw-araw ang mga manggagawa; anim na araw lamang na trabaho at may isang araw na pahinga;  payagan silang magluto ng sarili nilang pagkain; at   papayagang gumamit ng kanilang cellphones at iba pa.

Sinabi ni Paras na ang pagpapatupad ng mga probisyong ito ay  nakasaad sa guidelines.

“I will immediately convene a meeting with POEA officials to tackle the formulation of new guidelines that would be used for processing of permits for the resumption of deployment of all workers to Kuwait,” dagdag pa ng Usec.

Samantala, nilinaw ni OWWA Deputy Administrator Arnel Ignacio na ang mga bagong  hire, partikular ang  HSWs, ay hindi pa papayagang magtungo sa Kuwait, hangga’t hindi nakukumpleto  ang  mga bagong panuntunan  sa MOU.

Hindi pa inaanunsiyo ng DOLE  ang timeline para sa paggagawa ng bagong guidelines.

Gayunman, sinabi ni Paras na ang nasabing guidelines ay magkakaloob ng “maximum guarantee for the safeguards and security” sa mga OFW kapag ito ay nakumpleto na.

Ang MOU at ang pagkakaloob ng katarungan sa  Filipino HSW Joanna Demafelis  ng  Kuwaiti government  ay ang dalawang  kodisyon na  ibinigay ni  Pangulong  Rodrigo R. Duterte bago nito iniutos ang pag-aalis sa  tatlong buwan deployment ban sa Kuwait nitong nakaraang linggo.

Naglabas si Labor and Employment Secretary Silvestre H. Bello III ng Administrative Order No. (AO) 254 and 254-A  na pumapayag  sa  deployment  ng mga  newly-hired professionals, skilled and semi-skilled workers, at domestic workers sa Kuwait.

One thought on “CRACKDOWN SA SALAULANG RECRUITER ILULUNSAD NG DOLE”

  1. I’ve been exploring for a bit for any high-quality articles or blog posts in this sort of area . Exploring in Yahoo I eventually stumbled upon this website. Studying this info So i¡¦m happy to convey that I’ve an incredibly excellent uncanny feeling I found out just what I needed. I so much no doubt will make certain to don¡¦t overlook this web site and provides it a glance a relentless basis.

Comments are closed.