KASUNOD ng direktiba ni Philippine National Police (PNP) chief PGeneral Rommel Francisco D Marbil na palakasin ang pagsisikap laban sa mga loose firearms at armadong grupo bago ang 2025 Midterm Elections.
Agad namang tumalima ang National Capital Region Police Office (NCRPO) sa pangunguna ni Acting Regional Director, PMGen Sidney S. Hernia, ang pagsugpo sa loose firearms bago ang 2025 Midterm Election.
Sa unang inilunsad na operasyon, nasakote ng mga operatiba ng Quezon City Police District (QCPD) ang isang suspek sa buybust operation bandang ala 1:50 ng madaling araw kamakalawa sa kahabaan ng Major Marcos Street, Barangay Pasong Tamo, Quezon City.
Naaresto ang suspek na kinilalang si Neptale Agwanta Bernales dahil sa pagbebenta ng hindi lisensyadong baril.
Narekober ng mga pulis sa operasyon mula sa suspek ang isang .38 caliber revolver, mga live ammunition, at marked money.
Nabatid sa karagdagang imbestigasyon na sangkot si Bernales sa insidente ng pamamaril noong Oktubre 14, 2024, na ikinasugat ng 22-anyos na babae.
Inihahanda na ang kasong kriminal para sa paglabag sa Republic Act 10591 o mas kilala bilang Comprehensive Firearms and Ammunition laban sa suspek na si Bernales.
EVELYN GARCIA
Related posts:
(123rd Police Anniversary) CYBER SECURTY OPERATIONS CENTER IBINIDA NG PNP KAY PBBM
NCRPO MAGKAROON NG 6 POLICE DISTRICTS
PULIS ‘DI DAPAT GAWING ALALAY NG VIP – GEN. MARBIL
BAGONG DRUG WAR STRATEGY INILUNSAD NG PNP
NARTATEZ NUMBER-2 MAN NG PNP; 1ST STAR KAY FAJARDO
‘DAVAO MODEL’ VS ILLEGAL DRUG OPS PINAIIMBESTIGAHAN NA NI MARBIL
GUN BAN SA METRO MANILA UMIIRAL
P1.7-M POLICE AND OFFICE EQUIPMENT NATANGGAP NG PNP