PINAG-AARALAN na ng Metro Manila mayors ang pagtanggal sa curfew.
Sa Laging Handa public briefing, sinabi ni Parañaque City Mayor Edwin Olivarez na tumatayong chairman ng Metro Manila Council na nasa agenda na nila sa pagpupulong sa susunod na Linggo ang pagtanggal sa curfew.
Umiiral ang curfew sa Metro Manila mula alas-10 ng gabi hanggang ala-5 ng umaga para malimitahan ang galaw ng tao at makaiwas sa COVID 19.
Sa ngayon, ayon kay Olivarez ay iiral muna ang curfew maliban na lamang sa mga nasa food delivery services na pinapapayagang makabiyahe ng 24 oras.
“Iyon pong ating curfew ay pinag-aaralan yan na magpatanggal po iyong curfew. Sa susunod po na meeting namin, yan po ang isa aming main agenda para mabuksan na po yung economy natin,” ani Olivarez.
Sa kasalukuyan, nasa general community quarantine (GCQ) ang Metro Manila kasama na ang Batangas, Tacloban City, Bacolod City, Iligan City, at Iloilo City hanggang sa katapusan ng Oktubre. EVELYN QUIROZ
Related posts:
8PM-5AM CURFEW APRUB SA METRO MAYORS
24-ORAS NA CURFEW SA KABATAAN SA NAVOTAS TULOY
PAGBABAGO SA CURFEW HOURS, AGE RESTRICTION INIREKOMENDA
CURFEW SA KYUSI PINAIKLI NG 3 ORAS
CURFEW PINAIKLI SA KAPASKUHAN
(Sa Pista ng Sto. Niño) LIQUOR BAN, CURFEW IPATUTUPAD SA MAYNILA
1,714 KATAO LUMABAG SA HEALTH PROTOCOLS, CURFEW
CURFEW, FACE SHIELD AT FACE MASK MAHIGPIT NA IPATUTUPAD
Comments are closed.