Mga laro ngayon:
(Ynares Sports Arena)
2 p.m. – Marinero-San Beda vs Wang’s-Letran
4 p.m. – EcoOil-DLSU vs Perpetual
BUBUHAYIN ng topranked Marinerong Pilipino-San Beda ang kanilang fabled rivalry sa Wang’s Basketball @27 Striker-Letran, habang makakasagupa ng defending champion EcoOil-La Salle ang University of Perpetual Help System Dalta sa PBA D-League Aspirants’ Cup semifinals ngayon sa Ynares Sports Arena.
Nakapagpahinga nang husto dahil sa direct semis passages, ang Red Lions at Green Archers ay pinapaborang manaig laban sa Knights at Altas. Gayunman, ang top two elimination round teams ay naghahanda para sa mas mabigat na hamon.
“Hindi kaming puwedeng mag-relax kasi dito sa PBA D-League playoffs, tumataas ang laro so dapat makasabay kami doon. We expect to be the games to be tougher. There’s no room to relax,” sabi ni MarineroSan Beda mentor Yuri Escueta.
“We know that there will be ups and downs but it’s a chance for us to get better,” wika ni Gian Nazario, inatasan ni coach Topex Robinson na hawakan ang EcoOilDLSU sa D-League. Sa quarterfinals, dinispatsa ng Wang’s Letran ang Centro Escolar University, 94-87, sa overtime, habang pinataob ng Perpetual ang Philippine Sports Performance, 97-90, noong Martes.
