(Dadalhin sa Visayas at Mindanao kabilang ang Davao) COVID VACCINE EXPRESS PROGRAM NI VP ROBREDO

HINDI natinag si Vice President Leni Robredo kahit inakusahan ni Davao City Mayor Sarah Duterte na “politicking” sa 2022 election ang dahilan ng pagpuna nito sa mataas na COVID cases sa Davao matapos mangako na dadalhin ng Office of the Vice President ang COVID Vaccine Express Program sa Visayas at Mindanao bilang tugon na rin sa tumataas na kaso sa rehiyon.

Ang aksiyon ni Robredo ay tugon sa naging apela ni Cagayan De Oro Rep. Rufus Rodriguez na palawigin ng bise presidente ang drive-through vaccination program niito sa Visayas at Mindanao na nakararanas ngayon ng paglobo ng COVID-19 cases.

Sa isang twitter post ay agad na nagpasalamat si Rodriguez sa mabilis na pag-aksiyon ni Robredo.

“We need your project here in CDO to vaccinate more people. We need much help that we can get for my constituents in Cagayan de Oro City,”  nakasaad sa tweet ni Rodriguez.

Sa nasabing twitter thread ay sumagot din si Senador Panfilo Lacson na natuwa sa naging palitan ng aksiyon ng dalawang opisyal.

Ang apela ni Rodriguez  na mula sa Puwersa ng Masang Pilipino (PMP) kay Robredo ay kasunod na rin ng pinakahuling OCTA Research findings kung saan tinukoy ang Davao City, Bacolod, Iloilo City, Cagayan de Oro at Tacloban bilang areas of concern sa COVID.

Nabatid na sa unang araw ng Vaccine Express initiative ni Robredo sa Maynila ay nasa  2,275 tricycle, pedicab at delivery riders ang nabigyan ng bakuna bukod pa sa  P500 fuel incentive at nakatakdang isunod naman ang mga vendor.

Matatandaan na nagkaroon ng alingasngas kamakailan sa pagitan nina Robredo at Mayor Duterte nang masamain ng huli ang advice ng Pangalawang Pangulo na pag-aralan ng Davao City ang Covid approach ng Cebu City.

Ani Robredo, mas malaki ang populasyon ng Quezon City subalit nangunguna ang Davao City sa  LGUs na may mataas na naitatalang  kaso ng COVID kada araw.

“The Vice President should refrain from giving advice if she knows nothing about what is happening on the ground,” nauna nang pahayag ni Mayor Duterte kung saan tinuran pa nito na kulang sa pang- unawa at kaalaman si Robredo at walang maitutulong para maresolba ang problema.

Related posts:

PUBLIKO PINAG-IINGAT SA PAGBILI NG ‘DI AWTORISADO COVID VACCINE 157,256 KATAO SA CALABARZON NABIGYAN NG UNANG DOSE NG COVID VACCINE KONGKRETONG PLANO SA CLINICAL TRIALS NG COVID VACCINE (Babala ng DOH) MAG-INGAT SA PAGBILI NG COVID VACCINE KONTRATA PARA SA COVID VACCINE SESELYUHAN SA ENERO PHASE 3 TRIAL NG COVID VACCINE APRUB SA FDA FDA PUWEDENG MAG-ISYU NG SPECIAL PERMIT PARA SA COVID VACCINE MAGPAPA-COVID VACCINE MANO-MANONG ILILISTA