DAGDAG NA GUIDELINES SA PAGLABAS NG 5-ANYOS ILALABAS NG METRO MAYORS

MAGPAPALABAS ng dagdag na panuntunan ang Metro Manila mayors kaugnay sa pagpayag na makalabas na ang limang taong gulang pataas.

Ayon kay MMDA Chairman Benhur Abalos magpupulong ang Metro Manila council sa mga susunod na araw para makabuo ng guidelines tulad ng adult supervision at mga lugar kung saan maaaring bumisita ang mga bata.

Pinayuhan ni Abalos ang mga magulang na huwag nang makipagsisikan o ipilit pa ang kanilang mga anak na magtungo sa mga lugar na maraming tao.

Nauna rito ay nagpaalala si PNP chief Director General Guillermo Eleazar sa mga magulang na maging maingat sa paglalabas ng kanilang mga anak.

Sa kabila nito ay bawal pa rin pumasok sa shopping mall o kulob na lugar ang mga bata.