EPEKTIBO na sa Hunyo 14 ang pagtataas ng singil sa toll fee ng Subic-Clark-Tarlac Expressway (SCTEx).
Ang toll hike ay maaalalang inaprubahan ng Toll Regulatory Board noong buwan ng Marso.
Ang mga sasakyang dumadaan sa Class 1 na nagmumula sa Mabalacat, Pampanga patungong Tarlac ay magbabayad ng P124 mula sa dating P104 lamang.
Ang mga bus at maliliit na trak sa Class 2 ay magbabayad naman ng P248 mula sa P208. Dagdag na P60 naman para sa mala-laking trak na nagkakahalagang P372.
Ang mga motorista namang dadaan sa Class 1 mula Mabalacat, Tipo at Subic ay may dagdag na P32.
Ang mga dadaan sa parehas na ruta sa loob ng class 2 ay magbabayad ng P467 habang P98 naman ang dagdag na singil para sa mga sasakyang nakalinya sa class 3 na nagkakahalaga ng P690.
Comments are closed.