DAHIL sa tindi ng epekto ng pagsabog ng Kanlaon volcano na pagbuga ng abo at usok na nakaapekto sa libong pamilya, idineklara ang state of calamity sa Negros Occidental.
Ang deklarasyon ay ginawa ng Sangguniang Panlalawigan kahapon matapos ang special session nito kung saan inaprubahan ang naging rekomendasyon ng Provincial Disaster Risk Reduction And Management Council (PDRRMC).
Sa pamamagitan ng deklarasyon, mapapabilis ang paglalabas ng pondo para matulungan ang mga apektadong residente.
Bukod dito, agad din makakapagpatupad ng price freeze sa mga basic necessities at prime commodities gayundin ang activation ng quick response fund (QRF).
Ayon naman sa Office of Civil Defense (OCD) sa Western Visayas, umabot na sa 17,216 na indibidwal sa lalawigan ang naapektuhan ng pagsabog ng bulkan.
Sa nasabing bilang, 3,600 indibidwal ang nasa evacuation centers habang 700 naman ang nasa kani-kanilang mga kamag-anak.
Umabot na rin sa P129 milyon ang inihandang standby fund ng Department Of Social Welfare and Development (DSWD) para sa mga apektadong residente. kasama rito ang food at non-food items.
EUNICE CELARIO
Related posts:
(Residente sa paligid pinalikas) KANLAON PUMUTOK, ALERT LEVEL 3 ITINAAS
DSWD KUMIKILOS NA SA MGA NAAPEKTUHAN NG BULKANG KANLAON
(Bulkang Kanlaon nasa heightened alert) NAGBABADYA NG ISANG NAPAKALAKING PAGSABOG
(Sa loob ng 24 oras) BULKANG KANLAON NAKAPAGTALA NG 70 QUAKES
BULKANG KANLAON NAKAPAGTALA NG 3 ASHING EVENTS AT 17 VOLCANIC EARTHQUAKES
(Sa Bulkang Kanlaon) 64 VOLCANIC-TECTONIC EARTHQUAKE NAITALA
OCD NAKATUTOK SA AKTIBIDAD NG BULKANG KANLAON
15 COPS APEKTADO RIN NG KANLAON ERUPTION