DALISDIS SA BILIRAN PINAGUHO NI MARILYN

DAHIL nagsanib ang lakas ng Bagyong Ma­rilyn at Habagat, naitala ang pagguho sa mga dalisdis sa Barangay Talahid, Almeria, Biliran.

Batay sa Municipal Disaster Risk Reduction and Management Council (MDRRMC), nagsagawa na ng clearing operation ng mga miyembro ng Department of Public Works and Highways (DPWH) sa nangyaring landslide at rockslide sa lugar.

Sa report, dahil sa walang humpay na pag-ulan na epekto ng bagyong Marilyn ay bumigay ang lupa sa natu­rang barangay.

Pansamantala namang hindi madaanan ang naturang lugar dahil sa mga humarang na bato na gumuho.

Tiniyak naman ng lokal na pamahalaan ng Almera na walang naita­lang sugatan sa naturang insidente. PILIPINO MIRROR REPORTORIAL TEAM