ILOILO- ISANG dating preso nagbalik-selda ang matapos makuhanan ng P3 milyong halaga ng shabu sa pinaigting na buy-bust operation ng mga tauhan ng Iloilo City Police Office (ICPO) sa nabanggit na lungsod.
Batay sa report ng ICPO ang naarestong suspek ay nakilalang si Damian Cataluña, 49, ng La Paz District, Iloilo City.
Base sa report nakabili ang operatiba ng P12,000 halaga ng shabu at narekober din sa suspek ang 430 gramo ng shabu na aabot sa halagang P3 milyon.
Ayon kay ICPO City Drug Enforcement Unit (CDEU) Lt. Col. Antonio Benitez Jr., paglabas ng suspek sa kulungan ay isinailalim nila ito sa monitoring sa paghihinalang babalik ito sa ilegal na aktibidad.
Ang naturang suspek ay muling mahaharap sa kasong paglabag sa Republic Act 9165 o Comprehenssive Dangeous Drug act of 2002. EVELYN GARCIA
