NAGWAKAS na ang kampanya ni Joanie Delgaco sa 2024 Paris Olympics makaraang mangulelat sa quarterfinals ng women’s single sculls nitong Martes sa Vaires-sur-Marne Nautical Stadium.
Ang 26-year-old history-making Filipina rower ay naorasan ng 7 minuto at 58.30 segundo upang tumapos sa sixth sa six-woman heat. Tanging top three athletes sa bawat heat ang aabante sa semifinals.
Nanguna si reigning gold medalist Emma Tiwgg ng New Zealand sa heat na may 7 minuto at 26.89 segundo habang pumangalawa si Aurelia-Maxima Katharina Janzen ng Switzerland na may 7 minuto at 31.12 segundo.
Inangkin ni Virginia Diaz Rivas ng Spain ang huling semis spot makaraang maorasan ng 7 minuto at 34.01 segundo
Bukod kay Delgaco, sibak na rin sa medal contention sina Diana Dymchenko ng Azerbaijan (7:53.76) at Jovana Arsic ng Serbia (7:56.18) makaraang tumapos sa fourth at fifth.
Ang Filipina rower ay sasabak pa sa classification rounds upang madetermina ang kanyang final ranking sa Summer Games.
Related posts:
(Sa Olympic qualifying tilt) PETECIO ABANTE SA ROUND OF 16
2 PINAY BOXERS KUMAKATOK SA PARIS OLYMPICS
PETECIO, VILLEGAS SA PARIS OLYMPICS
ABAP SA PSA FORUM
ANDO ‘IN’, DIAZ ‘OUT’ SA PARIS OLYMPICS
ISA PANG PH LIFTER PASOK SA PARIS OLYMPICS
YULO SASABAK SA 2 INT’L COMPETITIONS BAGO ANG PARIS OLYMPICS
HOUSE AND LOT NAGHIHINTAY SA GOLD WINNER SA PARIS