ANTIQUE – LIGTAS at walang galos si Department of Environment and Natural Resources (DENR) Secretary Roy Cimatu habang tatlo ang nasugatan nang sumalpok ang kanilang sinasakyang motorsiklo sa sasakyan ng kalihim sa Barangay Bitadtun Sur, Culasi.
Sinabi ni SPO3 Andres Caduada, imbestigador ng Culasi Police Station, patungong isla ng Boracay ang kalihim kasama ang itim na Mitsubishi Out-lander o SUV na official vehicle ng DENR.
Isang motorsiklo umano ang sumulpot at kumaliwa dahilan sa pasalpok nito sa sasakyan ng kalihim.
Sugatan ang driver ng motorsiklo, misis nito at ang kanilang dalawang taong gulang na pamangkin.
Ang mga biktima ay isinugod sa Culasi District Hospital.
Sinasabing tumilapon naman sa palayan ang sasakyan ni Cimatu bagaman wala umanong may nasugatan sa mga sakay nito.
Dahil dito, lumipat na lamang sa ibang sasakyan ang kalihim at nagpatuloy sa pagbiyahe patungong Boracay. PILIPINO MIRROR REPORTORIAL TEAM
Comments are closed.